Амалий семинар диний соҳадаги янгиликларга бағишланди
Бугун, 24 апрель куни Сурхондарё вилояти Қумқўрғон туманида фаолият юритаётган имом-хатиблар, имом-ноиблари, отинойилари билан “Фуқароларнинг виждон эркинлиги ҳуқуқи кафолатларини янада мустаҳкамлаш ҳамда диний-маърифий соҳадаги ислоҳотларни янги босқичга олиб чиқиш чора-тадбирлари тўғрисида”ги Президент фармонини ўрганиш бўйича амалий ўқув-семинар ташкил этилди.
Мазкур семинарда соҳа мутахассислари тингловчиларга янги фармон мазмун-моҳиятини шарҳлаш баробарида кейинги йилларда юртимизда диний соҳада амалга оширилаётган кўламли ишлар, соҳадаги сўнгги янгиликлар ҳақида маълумот беришди.
Ўзбекистон мусулмонлари идораси
Матбуот хизмати
Имомлар 11 минг нафардан зиёд ўқувчига мактаб форма ва ўқув қуроллари ҳадя қилишди
Мустақиллигимизнинг 35 йиллик айёми ҳамда янги ўқув йили муносабати билан Ўзбекистон мусулмонлари идораси Масжидлар билан ишлаш бўлими томонидан юртимиз бўйлаб кенг кўламли хайрия тадбирлари ўтказилди.
Мазкур хайрли ташаббус асосида Республикамизда фаолият юритаётган 2 161 та масжид ходимлари иштирокида 11 144 нафар кам таъминланган, ижтимоий ҳимояга муҳтож ҳамда боқувчисини йўқотган оилалар фарзандларига мактаб формалари ва ўқув қуроллари беғараз ҳадя қилинди.
Ушбу акция доирасида ажратилган кўмакнинг умумий миқдори 4 миллиард 929 миллион 995 минг сўмни ташкил этди.
Тадбирдан кўзланган асосий мақсад – ёш авлоднинг сифатли таълим олишига кўмаклашиш, уларни янги ўқув йилига муносиб тайёрлаш ҳамда қалбларида байрам қувончи улашишдир.
Истиқлол байрами арафасида амалга оширилаётган бундай хайрия тадбирлари юртимизда инсон қадри, болалар манфаатлари ва ижтимоий ҳимояга муҳтож қатламларни қўллаб-қувватлашга алоҳида эътибор қаратилаётганининг амалий намунаси, дейиш мумкин.
Ўзбекистон мусулмонлари идораси
Матбуот хизмати
