Расулуллоҳ ﷺнинг дуолари
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ
Ўқилиши: “Ҳасбияллоҳу лаа илаҳа иллаа ҳува ъалайҳи таваккалту ва ҳува Роббул ъаршил ъазийм”.
Маъноси: “Менга Аллоҳ кифоядир. Ундан ўзга илоҳ йўқдир. Унга таваккул қилдим. У буюк Аршнинг Парвардигоридир!” (Тавба
сураси, 129-оят).
Сирдарё имом-хатиблари иштирокида таҳлилий йиғилиш ўтказилди
Ўзбекистон мусулмонлари идорасининг Сирдарё вилояти вакиллигида имом-хатиблар иштирокида таҳлилий йиғилиш бўлиб ўтди.
Вилоят ҳокимининг ўринбосари Фароҳиддин Раҳимов ҳамда вилоят бош имом-хатиби Ҳабибуллоҳ домла Зокиров раҳбарлигида ўтган тадбирда 2026 йилнинг биринчи ярим йиллигидаги диний-маърифий ва ташкилий ишлар сарҳисоб қилиниб, эришилган натижалар атрофлича таҳлил этилди.
Йиғилишда жамиятда соғлом маънавий муҳитни мустаҳкамлаш, диний соҳадаги қонунчилик талабларига қатъий риоя этиш, ёшлар ўртасида маърифий тарғибот ишларини кучайтириш ҳамда мавжуд камчиликларни бартараф этиш юзасидан келгуси олти ойлик устувор вазифалар белгилаб олинди.
Ўзбекистон мусулмонлари идораси
Матбуот хизмати
