“114 Қуръон” лойиҳаси
Ўзбекистондаги Ислом цивилизацияси маркази экспозициясининг асосий қисми бўлган "Қуръон зали"нинг илмий-инновацион лойиҳалари доирасида яна бир йирик лойиҳа амалга оширилмоқда. Бу — “114 Қуръон” лойиҳасидир.
Лойиҳанинг асосий мақсади — дунёнинг турли мамлакатларида сақланаётган, Ўзбекистонга оид бўлган ноёб қўлёзма Қуръон нусхаларини топиш ва уларнинг факсимиле (нусха)ларини тайёрлашдир.
Мазкур лойиҳа доирасида Австриянинг “Mueller&Schindler” нашриётининг бизнесни ривожлантириш ва маркетинг бўйича вице-президенти Александр Вильгельм билан онлайн учрашув ўтказилди.
https://t.me/islommarkazi
Имом-хатиблар ўртасида билимлар беллашуви ўтказилди
Мустақиллигимизнинг муқаддас 35 йиллиги арафасида Тошкент вилоятида имом-хатиблари ва имом ноиблари ўртасида "ЗАКОВАТ" интеллектуал мусобақаси бўлиб ўтди.
Вилоятнинг турли ҳудудларидан ташриф буюрган 6 та жамоа таркибидаги соҳа вакиллари ўзларининг теран билими, мулоҳазакорлиги ва мантиқий фикрлаш қобилиятини синовдан ўтказдилар. Ҳар бир савол нафақат интеллектуал билим, балки бой тарихимиз, диний-маърифий қадриятларимиз ва халқимизнинг маънавий меросини ёрқин акс эттирди.
Муросасиз ва қизғин кечган баҳс якунига кўра ғолиблар аниқланди:
Ғолиб жамоалар:
1-ўрин — "Билимдонлар" жамоаси
2-ўрин — "Зиёлилар" жамоаси
3-ўрин — "Фаоллар" жамоаси
Диний соҳа вакилларининг бу каби соғлом рақобат ва интеллектуал беллашувларда фаол иштирок этиши жамиятда маърифат нурини янада кенгроқ ёйилaшига хизмат қилади.
Ғолиб ва иштирокчиларни чин қалбдан табриклаймиз!
Илм-маърифат йўлидаги хайрли ишларига Аллоҳ таоло барака берсин, масъулиятли фаолиятларида куч-ғайрат ёр бўлсин!
Тошкент вилояти вакиллиги
Матбуот хизмати
