Болажонларга мактаб форма ва ўқув қуроллари ҳадя қилинди
Шу йил 29 июль куни Ўзбекистон мусулмонлари идораси Самарқанд вилояти вакиллиги ташаббуси билан Каттақўрғон шаҳрида ўтказилган сайёр учрашувда маънавий-маърифий тадбирлар билан бирга имом-хатиблар томонидан эҳтиёжманд оилаларга мансуб 20 нафар болажонга мактаб форма ва ўқув қуроллари топширилди.
Ушбу хайрли ташаббус ёш авлодни қўллаб-қувватлаш, уларнинг таълим олишга шароит яратиш ва янги ўқув йилини кўтаринки руҳда бошлашига хизмат қилади, иншо Аллоҳ.
Ўзбекистон мусулмонлари идораси
Самарқанд вилояти вакиллиги
Матбуот хизмати
Ҳар бир мурожаат ортида инсон тақдири бор (фотолавҳа)
Ўзбекистон мусулмонлари идораси томонидан йўлга қўйилган очиқ ва самимий мулоқот тизими фуқаролар мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
Бугун, 26 август куни Ўзбекистон мусулмонлари идораси раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг таклиф ва мурожаатларини тинглади.
Юзма-юз мулоқот жараёнида масжидлар ҳолати ва фаолияти, имом-хатиблар иши, ҳаж ва умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид қатор масалалар кўриб чиқилди.
Мурожаатларнинг аксарияти жойида ижобий ҳал этилган бўлса, қўшимча ўрганиш талаб қиладиган масалалар юзасидан тегишли мутасаддиларга аниқ кўрсатмалар берилди.
Эслатиб ўтамиз, бу каби очиқ мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни мунтазам ўтказиб келинмоқда.
Ўзбекистон мусулмонлари идораси
Матбуот хизмати
