Малайзия – мусулмонлар саёҳат рейтингида етакчи!
Малайзия 2025 йилги мусулмонлар саёҳати рейтингида ислом давлатлари орасида биринчи ўринни эгаллади.
Малайзия бу йил “Мастерcард-Cресcент Ратинг” глобал мусулмон саёҳатлари индексида биринчи ўринга кўтарилди, деб ёзади “IQNA” сайти “Travel Dayli media” нашрига таяниб.
Бу йил Малайзия 79 балл тўплаган ҳолда, яна биринчи ўринни эгаллаб, умумжамоа ҳисобида пешқадамликни қўлга киритди.
Саудия Aрабистони, Туркия ва Бирлашган Aраб Aмирликлари ҳам 78 очко билан иккинчи ўринни эгаллади. Индонезия бу йил тўрт поғона пастлаб, 76 балл билан Қатар билан бешинчи ўринни бўлишди.
Рейтингдаги ушбу ўзгаришлар ўзгарувчан глобал бозор конюнктурасини акс эттиради. Бунинг эса ўсиш ва рақобат учун жуда муҳим эканлиги исботланган. Бу йилги рейтингни ҳисоблаб чиққан экспертлар фикрича, Малайзиянинг ислом туризми йўналиши сифатидаги кўрсаткич ва машҳурлиги сўнгги ўн йил ичида барқарорлигини сақлаб қолмоқда.
Буни мамлакатнинг ички ва халқаро саёҳатчиларнинг эҳтиёж ва афзалликларига жавоб берадиган миллий ҳалол туризм стратегиясини қабул қилиш ва амалга ошириш усули билан боғлаш мумкин.
Шу мақсадда Малайзия ҳукумати ва хусусий сектори ҳалол сертификатлаш, инклюзив туризм сиёсати ва маҳаллий анъаналар, ислом мероси ва замонавий технологияларни ўзида мужассам этган маданий ўзига хослигини мустаҳкамлашга катта сармоя киритди.
Илёсхон Аҳмедов,
тайёрлади.
Ҳар бир мурожаат ортида инсон тақдири бор (фотолавҳа)
Ўзбекистон мусулмонлари идораси томонидан йўлга қўйилган очиқ ва самимий мулоқот тизими фуқаролар мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
Бугун, 26 август куни Ўзбекистон мусулмонлари идораси раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг таклиф ва мурожаатларини тинглади.
Юзма-юз мулоқот жараёнида масжидлар ҳолати ва фаолияти, имом-хатиблар иши, ҳаж ва умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид қатор масалалар кўриб чиқилди.
Мурожаатларнинг аксарияти жойида ижобий ҳал этилган бўлса, қўшимча ўрганиш талаб қиладиган масалалар юзасидан тегишли мутасаддиларга аниқ кўрсатмалар берилди.
Эслатиб ўтамиз, бу каби очиқ мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни мунтазам ўтказиб келинмоқда.
Ўзбекистон мусулмонлари идораси
Матбуот хизмати
