Меҳрибонинг бўламан, болам!
Ҳар йили айнан ўқув йили бошланишидан аввал Ўзбекистон мусулмонлари идораси ҳузуридаги “Вақф” хайрия жамоат фонди кўплаб эҳтиёжманд оилаларда вояга етаётган минглаб болалар учун кутилмаган совға ҳозирлайди. Боқувчиси йўқ, кўнгли ўксик болажонларга ўқув қуроллари, мактаб формалари тортиқ қилади.
Бу йил ҳам ан’ана давом этмоқда. Айни пайтда фонд ва унинг ҳудудлардаги филиаллари томонидан ана шундай болажонларга зарур ўқув қуроллари ва кийим-кечаклар совға қилинмоқда. Хусусан, “Вақф” хайрия жамоат фондининг Навоий вилояти филиали томонидан ҳомийларни жалб қилган ҳолда икки кун давомида кам таъминланган, боқувчиси йўқ оилаларнинг 23 нафар фарзандига мактаб формалари, ўқув қуроллари ва сумкалар олиб берилди.
Азиз юртдошлар! “Вақф” хайрия жамоат фонди “Меҳрибонинг бўламан, болам!” акцияси доирасида БEШ минг нафар етим болажонларга хурсандчилик улашишни, уларга барча зарур ўқув қуроллари, форма ва сумкалар олиб беришни ният қилган.
Сиз ҳам акцияда фаол иштирок этинг. Бизнинг барча вилоятлардаги базаларимизга эҳсон қилмоқчи бўлган мактаб сумкаси, ўқув қуроллари, форма ва моддий ёрдамларингизни олиб келинг.
ЭҲСОН ҚИЛИНГ, АЗИЗЛАР!
УЗ CАРД: 5614 6821 2355 1733
ҲУМО: 9860 1701 0179 1524
Унион пай: 6210 4501 6449 4569
ВИСА: 4023 0602 0855 9012
Ҳамма пластик карталар ЮЛЧИEВ АЛИЖОН номида.
Vaqf.uz
Ҳар бир мурожаат ортида инсон тақдири бор (фотолавҳа)
Ўзбекистон мусулмонлари идораси томонидан йўлга қўйилган очиқ ва самимий мулоқот тизими фуқаролар мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
Бугун, 26 август куни Ўзбекистон мусулмонлари идораси раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг таклиф ва мурожаатларини тинглади.
Юзма-юз мулоқот жараёнида масжидлар ҳолати ва фаолияти, имом-хатиблар иши, ҳаж ва умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид қатор масалалар кўриб чиқилди.
Мурожаатларнинг аксарияти жойида ижобий ҳал этилган бўлса, қўшимча ўрганиш талаб қиладиган масалалар юзасидан тегишли мутасаддиларга аниқ кўрсатмалар берилди.
Эслатиб ўтамиз, бу каби очиқ мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни мунтазам ўтказиб келинмоқда.
Ўзбекистон мусулмонлари идораси
Матбуот хизмати
