Та'лим муассасасида "Сентябр ойи - Ислом тарихи, Мавлидун Набий, Янги Ўзбекистон тарихи фанлари ойлиги" деб э'лон қилингани ҳамда Расулуллоҳ соллаллоҳу алайҳи васаллам таваллуд топган ой муносабати билан жорий йил 24-сентябрь куни тадбир о‘тказилди.
Тадбирда Ўзбекистон Мусулмонлари идораси Наманган вилояти вакили Мусохон домла Аббосиддинов ҳамда та'лим муассасаси о‘қитувчи ва талабалари иштирок этдилар.
Кириш со‘зини О‘збекистон мусулмонлари идораси Наманган вилоят вакили Мусохон домла Аббосиддинов шундай осойишта кунларга етиб келганимизга шукроналик билдириб, муборак Раби’ул аввал ойи я’ни Расулуллоҳ соллаллоҳу алайҳи васаллам таваллуд топган ой ҳақида со‘з юритиб, бу ойда барчаларимиз оламлар сарвари, бутун инсониятга охирзамон пайг‘амбари қилиб юборилган Муҳаммад алайҳиссаломнинг сийратларини, ҳаётларини янада кенгроқ о‘рганиш, ҳар бир амалимизда у зотга эргашиш лозимлиги ҳақида айтиб о‘тди.
Тадбирни давом эттириш учун со’зни та’лим муассасаси о‘қитувчиси Исақов Олимхон домла Устоз ва талабаларни мавлуд байрам билан табриклаб Пайг‘амбар соллаллоҳу алайҳи васалламнинг сийратлари, хулқ-атворлари ҳақида со‘з юритди.
Тадбир давомида та’лим муассасаси талабалари томонидан имом Жа’фар Барзанжий раҳматуллоҳи алайҳининг мавлидлари, ҳамда хатмул қур’он ва саловотлар о‘қилди. Тадбир Расулуллоҳ соллаллоҳу алайҳи васалламга муҳаббат ва у зотнинг суннатларига эргашиш ё‘лида яна бир қадам бо‘лди.
Тадбир со‘нгида юртимиз тинчлиги, унинг осойишталиги бардавом бо‘лишини со‘раб дуои хайрлар қилинди.
Та'лим муассасаси Матбуот хизмати
BBC Studios вакили: Президент ташаббуси Ўзбекистонни халқаро маданий мулоқот чорраҳасига айлантирмоқда
BBC Studios’нинг Евроосиёдаги тижорий вакили Сергей Становкиннинг таъкидлашича, Президент Шавкат Мирзиёев ташаббуси билан Тошкентда ўтган «Ислом цивилизацияси: янги нигоҳ — янги кашфиётлар» Халқаро медиафоруми Ўзбекистоннинг ўз тарихи ва цивилизацион меросини глобал аудиторияга мустақил овоз билан етказишга қаратилган янги медиа майдонига айланди, хабар бермоқда iccu.uz.
Сергей Становкин, BBC Studios’нинг Евроосиёдаги тижорий вакили
– Ушбу медиафорумнинг аҳамияти жуда катта. Профессионал оммавий ахборот воситалари вакилларини бир майдонга жамлаш ахборот муҳитида мутлақо бошқа натижа беради. Бугун блогерлик жадал ривожланаётган муҳим йўналишлардан бири бўлса-да, анъанавий ОАВнинг ўз аудиторияси, таъсир доираси, ишонч даражаси ва таҳририй сиёсати бор. Шу боис бу тадбирнинг айнан медиафорум шаклида ўтказилаётгани ва унда кўплаб халқаро ОАВ вакиллари иштирок этаётгани алоҳида аҳамиятга эга.
Эндиликда муҳим вазифа — халқаро медиа кун тартибида Марказий Осиё ва Ўзбекистонга янада кенг ўрин бериш. Бунинг учун Ўзбекистон ва Ислом цивилизацияси маркази ўз овози, ўз контенти ва самарали коммуникацияларига эга бўлиши керак. Чунки Ислом цивилизацияси марказининг дунёга айтадиган гапи, тақдим этадиган мазмуни бор.
Ислом цивилизацияси марказининг ташкил этилиши ҳам шу нуқтаи назардан жуда муҳим. У нафақат мамлакатлар ўртасида, балки ўтмиш ва келажак ўртасида ҳам кўприк яратади. Тарихни англаш келажакни тўғри қуришга ёрдам беради. BBC’да “Ўзбекистон — цивилизациялар чорраҳаси” рекламавий кампанияси бўлганида, мен бу ҳақда кўп ўйлаган эдим. Менимча, Ислом цивилизацияси маркази ҳам гуманитар соҳадаги ана шундай муҳим чорраҳалардан бири — у одамларни Тошкентга, Ўзбекистонга чорлайди ва турли мамлакатларни яқинлаштиради.
Ўзбекистонни халқаро маданий мулоқот учун муҳим майдонга айлантираётган асосий жиҳат — унинг фаоллиги ва ташаббускорлиги. Бу иқтисодиётда ҳам, маданиятда ҳам яққол кўринмоқда. Айниқса, келажакка қаратилган қараш Ўзбекистонни ажратиб туради. Ўтмишни ўрганиш жуда муҳим, аммо келажак ҳақида гапириш ва ривожланиш йўналишини белгилаш ҳам шунчалик аҳамиятли. Ана шунда янги ҳамкорлар ва янги тарафдорлар пайдо бўлади. Ўзбекистон буни жуда яхши амалга оширмоқда. Шу боис унинг дўстлари ва ҳамкорлари кўп. Ишончим комилки, Ўзбекистонни катта ва порлоқ келажак кутмоқда.
Ўзбекистон мусулмонлари идораси Матбуот хизмати