Варшава “Марказий” масжидига ташриф
Аввал хабар берганимиздек, Ўзбекистон мусулмонлари идораси раиси ўринбосари, устоз Зайниддин домла Эшонқулов хизмат сафари билан Польша Республикасида бўлиб турибди.
Кеча, 24 ноябрь куни шом намозини адо этиш мақсадида Польша Республикаси пойтахти Варшавадаги “Марказий” масжидга ташриф буюрилди. Зайниддин домла Эшонқулов шом намозига имомликка ўтиб, намоздан сўнг, намозхонлар ва ватандошларимиз билан самимий суҳбат ўтказилди.
Шунингдек, ташриф давомида Польша муфтийси Томаш Мицкевич билан учрашув бўлиб ўтди. Суҳбат чоғида икки томонлама ҳамкорлик масалалари муҳокама қилиниб, муфтий жаноблари Имом Бухорий мажмуаси очилиши ва Ислом цивилизацияси марказига таклиф этилди. Томаш Мицкевич мазкур таклифдан катта мамнуният изҳор қилиб, албатта Ўзбекистонга бориш нияти борлигини билдирди ҳамда Ўзбекистон мусулмонлари идораси билан ҳамкорликда иш олиб боришга тайёрлигини таъкидлади.
Хуфтон намози Варшавадаги “Фотиҳ” масжидида адо этилди. Намоздан кейин ватандошларимиз билан учрашув ўтказилиб, сафар одоблари, юртдан узоқда бўлганда ҳам оила ва яқинлар билан алоқани узмаслик, силаи раҳимни унутмаслик каби муҳим масалалар ҳақида маъруза қилинди. Ташриф давомида юртдошларимизнинг саволларига жавоб берилди ва дуои-хайрлар қилинди.
Ўзбекистон мусулмонлари идораси Матбуот хизмати
Кеч ухлаш умрни қисқартиради
Тадқиқотларга кўра, дунё аҳолисининг 58 фоизи уйқусизликдан азият чекмоқда. Бунинг биринчи сабаби гаджетлар доимий томоша қилиш оқибатида кечки соат 23:00 дан кейин ухлашга одатланишдир.
Кеч ухлаш соғлиққа бир қанча хавф туғдиради.
Жигар ва бошқа аъзолар ўзини тиклай олмайди. Инсон организмидаги барча аъзолар тунда, айниқса, соат 22:00–02:00 оралиғида фаол тикланиш жараёнига киришади. Хусусан, жигар соат 23:00 дан кейин танани фаол тозалаш (детоксикация) вазифасини бажаради. Агар инсон у пайтда ухламаган бўлса, вазифа тўлиқ бажарилмайди. Бу эса чарчоқ, безовталик, тушкунликка олиб келади.
Гормонлар мувозанати бузилади. Уйқу вақтида, айниқса, соат 22:00–01:00 орасида ўсиш гормони (мелатонин ва соматотропин) ишлаб чиқарилади. Бу гормонлар иммунитетни кўтариш, тери ва ҳужайраларни тик лаш, стрессни камайтиришга хизмат қилади. Агар ухлаш кечикса, бу гормонлар кама йиб боради.
Ақлий фаолият сусаяди. Эътиборни жамлаш, эслаб қолиш қобилиятининг пасайиши айнан ўз вақтида ухламаслик билан боғлиқ. Оқибатда иш унумдорлиги ёмонлашиб, сифатли ўқишга ҳам салбий таъсир қилади.
Руҳий мувозанат бузилади. Соат 23:00 дан кейин ухлайдиган инсонларда депрессия, қўрқув, руҳий заифликлар кўп кузатилади.
Юрак уриш мувозанати ёмонлашади.
Сўнгги йилларда юракқон томир касалликлари ҳам кўпайиб, ҳам “ёшариб бормоқда”. Кам ва ўз вақтида ухламаслик юракни зўриқтириб, умрнинг қисқаришига сабаб бўлмоқда. Юракни даволаш учун ўз вақтида ухлаш керак.
Энг фойдали уйқу эса соат 22:00 дан 05:00 гача бўлади. Чунки айнан шу соатларда уйқу фазалари мукаммал кечади.
Интернет манбалари асосида тайёрланди.
“Ҳидоят” журналининг 2025 йил 8-сонидан
http://hidoyatuz.taplink.ws