Фахрий устозлар хотирланди (фото)
Ислом таълимотига кўра, устозни ҳурмат қилиш ва эъзозлашнинг савоби улуғ, чунки уламолар Пайғамбарлар меросхўрларидир.
Ўзбекистон мусулмонлари идораси Хоразм вилояти вакили Хайрулла домла Абдуллаев томонидан бир гуруҳ фахрий устозлар — Ҳошимжон домла Собиров, Шайхмуҳаммад домла Аллаяров, Бокибуллоҳ домла Атагуллаев ва бошқа устозлар ҳолидан хабар олиниб, уларга совға ва саломлар тақдим этилди.
Шунингдек, соҳада фаолият юритган барча фахрий устозлар хотирланиб, уйларидан хабар олинди, Қуръони карим тиловат қилинди ва уларнинг руҳи покига дуолар қилинди.
Zamaxshariy.uz
Президент 35 йиллик мустақиллик арафасида 852 нафар маҳкумни афв этди
Президент Шавкат Мирзиёев Ўзбекистон мустақиллигининг 35 йиллиги муносабати билан 852 нафар жазо ўтаётган шахсни афв этиш тўғрисидаги фармонни имзолади. Афв этилганлар орасида 7 нафар хориж фуқароси, 375 нафар ёшлар, 49 нафар аёл ва 60 ёшдан ошган 37 нафар эркак бор, хабар бермоқда Batafsil.uz.
Афв этилган 852 нафар шахсдан 604 нафари жазони тўлиқ ўташдан озод қилинади. Яна 115 нафар шахс жазони ўташдан муддатидан илгари шартли равишда озод этилади.
52 нафар маҳкумга тайинланган жазо енгилроқ жазо турига алмаштирилади. 81 нафар шахснинг озодликдан маҳрум қилиш жазоси муддати эса қисқартирилади.
Афв этилганлар орасида тақиқланган ташкилотлар фаолиятида иштирок этган 63 нафар шахс ҳам бор.
Президент фармонида афв этишга асос сифатида маҳкумларнинг қилмишига пушаймонлиги ва тузалиш йўлига қатъий ўтгани кўрсатилган.
"Ўзбекистон 24" телеканали маълумотига кўра, Шавкат Мирзиёев 2017 йилдан буён 31 та афв этиш тўғрисидаги ҳужжатни имзолаган. Ушбу ҳужжатлар жами 10 567 нафар жазо ўтаётган шахсни қамраб олган.
Хусусан, Президент Наврўз ва Рамазон ҳайити арафасида ҳам 392 нафар маҳкумни афв этганди.
Ўзбекистон мусулмонлари идораси Матбуот хизмати