Имомлар ва ҳожилар фаолияти юқори баҳоланди
Шу йилнинг 20 январь куни Самарқанд вилояти Пастдарғом туманида сайёр йиғилиш бўлиб ўтди. Унда вилоят бош имом-хатиби ўринбосари Хайрулло домла Саттаров, туман ҳокими Ш.Раҳмонов, шаҳар ва туман имом-хатиблари, "Ҳаж – 2025" зиёратчилари ҳамда маҳалла фаоллари иштирок этди.
Тадбир доирасида кам таъминланган ва боқувчисини йўқотган оилалар ҳолидан хабар олиниб, беморлар зиёрат қилинди, маънавий қўллаб-қувватлаш ва дуолар етказилди. Шунингдек, айрим фуқаролар билан тарбиявий суҳбатлар ўтказилди.
Йиғилиш якунида масжидларда маънавий-маърифий маърузалар қилинди, юрт тинчлиги ва халқ фаровонлиги йўлида дуолар қилинди. Туман ҳокими амалга оширилаётган эзгу ишларга юксак баҳо берди.
Ўзбекистон мусулмонлари идораси
Самарқанд вилоят вакиллиги
Матбуот хизмати
Юртимиз бўйлаб 6000 нафарга яқин ободонлаштириш ходимларига байрам ҳадялари улашилди
Мустақиллигимизнинг 35 йиллик байрами арафасида Ўзбекистон мусулмонлари идораси ҳузуридаги “Вақф” хайрия жамоат фонди маҳаллий ҳокимликлар билан ҳамкорликда юртимиз озодалигига беқиёс ҳисса қўшиб келаётган 2500 нафардан ортиқ ободонлаштириш хизмати ходимларига озиқ-овқат жамланмалари тарқатди.
Тадбирлардан кўзланган асосий мақсад машаққатли ва шарафли меҳнати ҳар доим ҳам кўзга кўринавермайдиган соҳа ходимларининг меҳнатини эътироф этиш, уларнинг қалбига байрам шукуҳи, хонадонларига қувонч киритишдир.
Инсон қадрини улуғлаш ва ижтимоий ҳимояга муҳтож қатламни қўллаб-қувватлашга қаратилган бу каби хайрли ишлар шу кунларда янада кенг қулоч ёзиб, мамлакатимизнинг барча ҳудудларида ўтказилди.
Шунингдек, ҳомийлар томонидан Республикамиз бўйлаб 3500 нафарга яқин ана шундай фидойи ходимларнинг кўнгли хушнуд этилди.
Бу каби хайр-саховатга йўғрилган байрам тадбирлари ўлкамизнинг барча гўшаларида давом этмоқда.
Ўзбекистон мусулмонлари идораси Матбуот хизмати
- «
- »