Имом-хатиб ва имом-ноиблар ўртасида спорт мусобақалари ўтказилди
24 январ куни Нукус шахридаги Муҳаммад ибн Аҳмад ал-Беруний мадрасаси спорт залида Ўзбекистон мусулмонлари идораси ва Қорақалпоғистон мусулмонлари қозиёти ташаббуси билан имом-хатиб ва имом-ноиблар ўртасида спортнинг волейбол, шашка, шахмат ва стол тенниси бўйича спорт мусобақалари ташкил этилди.
Унда Қорақалпоғистон Республикаси Вазирлар Кенгаши раисининг ўринбосари А.Алланиязов, Қорақалпоғистон мусулмонлари қозиёти қозиси Б.Разовлар иштирок этди.
Ушбу мусобақада республикамизнинг барча туманларидан келган диний мутахассислар ғолиблик учун беллашди.
Мусобақа якунига кўра волейбол бўйича биринчи ўрин Тахтакўпир, Қораўзак, Чимбой ва Кегейли туманларидан тузилган (Жайхун жамоаси), иккинчи ўрин Нукус шаҳри (Турон жамоаси), учинчи ўрин Беруний ва Амударё туманларидан тузилган (Беруний жамоаси) ғолиб деб топилди.
Спортнинг шашка тури бўйича Идрисов Абдулазиз Элликқалъа тумани "Абдулла Норинжоний" жоме масжиди имом-хатиби, шахмат бўйича Эгамбердиев Улуғбек Хўжайли тумани "Пирим эшон" жоме масжиди имом ноиби ғолиб бўлди.
Стол тенниси бўйича Якупов Ахмет Нукус шаҳри "Аллоҳ берди Азиз" жоме масжиди имом-хатиби ғолиб деб топилди.
Мусобақа мухлислари қизиқарли беллашувларга гувоҳ бўлди. Мусобақа якунида ғолиб ва совриндорлар эсдалик совғалари билан тақдирланди.
Қорақалпоғистон мусулмонлари қозиёти
Бир гуруҳ диний-маърифий соҳа фидойиларига "Ўзбекистон Республикаси мустақиллигининг 35 йиллиги" эсдалик нишонлари топширилди
27 август куни Ўзбекистон Республикаси мустақиллигининг 35 йиллиги муносабати билан диний-маърифий соҳада самарали меҳнат қилиб келаётган фидойи юртдошларимизни тақдирлашга бағишланган тантанали тадбир бўлиб ўтди.
Тадбирда Ўзбекистон Республикаси Президентининг диний-маърифий масалалар бўйича маслаҳатчиси Музаффар Комилов кириш сўзи билан иштирок этди.
Кириш нутқида мамлакатимизда мустақиллик йилларида, айниқса, сўнгги йилларда диний-маърифий соҳани ривожлантириш, жамиятда тинчлик-тотувлик, миллатлараро ҳамжиҳатлик ва диний бағрикенгликни мустаҳкамлаш борасида амалга оширилаётган ислоҳотлар, шунингдек, соҳада фаолият юритаётган уламолар, имом-хатиблар, мударрислар ва фидойи ходимларнинг муносиб ҳиссаси ҳақида алоҳида таъкидланди.
Тантанали тадбир давомида диний-маърифий соҳада кўп йиллардан буён самарали меҳнат қилиб, юртимизда маънавий барқарорликни таъминлаш, ёш авлодни миллий ва умуминсоний қадриятлар руҳида тарбиялаш, аҳоли ўртасида маърифий тушунтириш ишларини олиб боришга муносиб ҳисса қўшиб келаётган бир гуруҳ фидойи юртдошларга "Ўзбекистон Республикаси мустақиллигининг 35 йиллиги" эсдалик нишонлари тантанали равишда топширилди.
Эсдалик нишонларини топшириш маросимида Ўзбекистон Республикаси Президентининг диний-маърифий масалалар бўйича маслаҳатчиси Музаффар Комилов, Дин ишлари бўйича қўмита раиси Содиқ Тошбоев, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Ўзбекистондаги Ислом цивилизацияси маркази директори Фирдавс Абдуҳаликов, Ўзбекистон Республикаси Вазирлар Маҳкамаси масъул ходими Орифхон Зокировлар иштирок этдилар.
Тақдирлаш маросимида таъкидланганидек, мазкур эсдалик нишони мамлакатимиз тараққиётига, унинг тинчлиги ва барқарорлигига, жамиятда миллатлараро тотувлик ва диний бағрикенглик муҳитини мустаҳкамлашга, ёш авлодни миллий ва умуминсоний қадриятлар руҳида тарбиялашга муносиб ҳисса қўшаётган фидойи инсонларга билдирилган юксак эҳтиром ва эътироф рамзидир.
Тадбир якунида тақдирланганлар ўзларига билдирилган юксак ишонч ва эътибор учун миннатдорлик билдириб, мамлакатимиз тинчлиги ва равнақи йўлидаги эзгу фаолиятларини янада сидқидилдан давом эттиришларини таъкидладилар.
Барча мукофот соҳибларини самимий муборакбод этамиз!
Мустақиллигимизнинг 35 йиллиги муборак бўлсин!
Ўзбекистон мусулмонлари идораси Матбуот хизмати
