Қашқадарё масжидлари Рамазон ойига шай ҳолатга келтирилмоқда
Қашқадарё вилоятида муборак Рамазон ойини юқори савияда кутиб олиш ва мўмин-мусулмонлар учун масжидларда қулай шарт-шароитлар яратиш борасида тизимли ишлар амалга оширилмоқда. Ўзбекистон мусулмонлари идорасининг тегишли буйруғи асосида ҳудудлардаги ибодат масканлари мавсумга шай ҳолатга келтирилмоқда.
Амалга оширилган асосий ишлар:
-
Масжид бинолари ва атрофи ободонлаштирилиб, санитария ҳолати яхшиланди;
-
Таҳоратхоналар, иситиш ва ёритиш тизимлари техник кўрикдан ўтказилди;
-
Таровеҳ намозларини хавфсиз ва тартибли ўтказиш бўйича ташкилий чора-тадбирлар белгиланди.
Жорий йилнинг 28 январь куни вилоят ҳокимининг ўринбосари Фарҳод Кушаков ҳамда вилоят бош имом-хатиби Раҳматилло домла Усмонов Косон туманидаги масжидлар фаолияти билан танишдилар. Ўрганиш давомида намозхонлар учун яратилган имкониятлар кўздан кечирилиб, мавжуд камчиликларни бартараф этиш юзасидан зарур тавсиялар берилди.
Бу каби ўрганиш ишлари вилоятнинг барча туманларида давом эттирилади. Мақсад — муқаддас ойни юксак руҳий кайфиятда, тинчлик ва осойишталикда ўтказишдир.
Ўзбекистон мусулмонлари идораси
Қашқадарё вилояти вакиллиги
Ахборот хизмати
Фидокорона хизмат эътирофсиз қолмайди
Ўзбекистон мусулмонлари идораси тасарруфидаги "Кўкалдош" ўрта махсус ислом таълим муассасасида кўп йиллар ҳалол ва фидокорона меҳнат қилган ходимамиз Аҳмаджонова Нилуфар Ҳабибуллаевнанинг 50 ёшлик юбилейи муносабати билан таълим муассасаси ҳамда касаба уюшмаси томонидан тадбир ўтказилди.
Тадбирда таълим муассасаси мудири М. Эркаев, ўқув ишлари бўйича мудир ўринбосари Н. Джалолов ва манавий-маърифий ишлар бўйича мудир ўринбосари, таълим муассасаси касаба уюшмаси раиси А.Ғаниев иштирок этишди. Муассаса мудири М. Эркаев муҳтарама опамизни шахсан ўзи табрикнома билан тақдирлади. Эсдалик совғалари билан ҳам мукофотланди.
Нилуфар опа ҳар куни тонг саҳардан илм даргоҳига келиб, унинг озода, шинам ва покиза бўлишига йилларида сабр, ихлос ва садоқат билан ўз ҳиссасини қўшиб келмоқда. Бундай камтарин, аммо қадри баланд меҳнат барчамиз учун ибрат намунасидир.
Пайғамбаримиз соллаллоҳу алайҳи васаллам: "Покизалик иймондандир", деб марҳамат қилганлар. Илм ва марифат масканининг таъминлаш — талабалар устозларнинг тинч, тоза ва баракали илм олишига муносиб ҳисса қўшадиган эзгу ишдир. Ана беминнат хизмат ҳар қандай эътироф ва эҳтиромга лойиқдир.
Билим юртимиз ўз ёрдамга ғамхўрлик қилишни муҳим бурч деб билади. Зеро, илм даргоҳига қилинган ҳар бир хизмат — Аллоҳнинг розилиги йўлидаги савобли амалдир. Ким илм аҳлига ва илм масканига хизмат қилса, ўша илмдан таралаётган эзгуликнинг ажридан баҳраманд бўлиши умид қиламиз.
Муҳтарама опамизга мустаҳкам соғлик-саломатлик, узоқ умр, оила бахти ва ишларида барака тилаймиз. Аллоҳ таоло ҳалол меҳнатларини ажру мукофотсиз қолдирмасин, қилган эзгу ишлари ва меҳнатларининг роҳатини кўриш узоқ йиллар давомида насиб этсин!
"Кўкалдош" ўрта махсурс ислом таълим муассасаси
матбуот хизмати
