Йўқ!
Бисмиллаҳир Роҳманир Роҳийм
Умрингизни беҳуда муҳаббат интиқоми ва яхшилиги йўқ жанжалларга сарф қилманг.
Саломатлигингиз, бахтингиз, уйқу ва фароғатингиз эвазига мол-мулк йиғишга интилманг.
Вақтингизни инсонларнинг хатоларини қидириш ва уларни ғийбат қилиш билан ўтказиб, ўзингизни унутиб қўйманг.
Нафс роҳатлари ва у хоҳлаган барча нарсани беришга шўнғиб кетманг.
Бекорчилар билан вақтингизни ўтказиб, беҳуда ишларга қимматли умр неъматини сарфлаб юборманг.
Баданингиз бадбўй бўлишига, уйингиз тартибсиз қолишига йўл қўйманг.
Ҳаром ичимликлар, тамаки ва турли хил ёмон нарсалардан бутунлай узоқлашинг.
Ўтиб кетган кўнгилсизлик ва мусибатлар ҳамда содир бўлган хатоларни эсламанг.
Охиратингиз, у учун амал қилиш ва у кун келишини асло унутманг.
Мол-мулкингизни ҳаром амаллар, бекорчи ишлар ва ибодатда камчиликларга олиб борадиган нарсаларга сарф қилманг.
Доктор Оиз Қарнийнинг
"Дунёдаги энг бахтли аёл" китобидан
Устозларга эҳтиром: диний таълим муассасаларида байрам туҳфалари улашилмоқда
1 октябрь – Ўқитувчи ва мураббийлар куни муносабати билан юртимиз бўйлаб маърифат улашувчи заҳматкаш устозларимизга юксак ҳурмат ва эҳтиром кўрсатилмоқда. Шу муносабат билан “Вақф” хайрия жамоат фонди томонидан диний таълим муассасалари педагог ва ходимлари ҳолидан хабар олиниб, байрам туҳфалари улашилди.
Хусусан:
-
Мир Араб ўрта махсус ислом таълим муассасаси устоз ва ходимларига 40 миллион сўмлик моддий кўмак ҳамда озиқ-овқат жамланмалари топширилди.
-
Ҳадис илми мактабида соҳа фидойилари иштирокида маърифий давра суҳбати ташкил этилиб, мударрис ва ходимларга байрам эҳсонлари улашилди, хайрли дуолар қилинди.
-
“Жўйбори Калон” аёл-қизлар ўрта махсус ислом таълим муассасасида 6 нафар устозга 5 миллион сўмдан (жами 30 миллион сўмлик) хайрия сертификатлари, яна 16 нафар муаллима ва ходимларга эсдалик совғалари тақдим этилди.
Таълим муассасалари жамоалари кўрсатилаётган бундай эътибор ва ғамхўрлик учун Ўзбекистон мусулмонлари идораси ҳамда “Вақф” фондига самимий миннатдорлик билдирдилар.
Аллоҳ таоло келажак авлодни тарбиялаш йўлида фидокорона меҳнат қилаётган барча азиз устозларимизнинг илм ва амалларига барака берсин, касб байрамингиз муборак бўлсин!
Ўзбекистон мусулмонлари идораси
Матбуот хизмати
