Қушларни чатиштириш жоизми?
Савол: Қушларни бир бирига чатиштириб, қушнинг янги турини кашф қилиш жоизми? Ҳозирда хонаки ва ёввойи қушларнинг маълум турини бир бирига чатиштириш орқали инсонга ёқимли овозда сайрайдиган қуш тури кашф қилинмоқда экан. Кашф қилинган қуш бепушт бўлар экан.
Жавоб: Бисмиллаҳир Роҳманир Роҳийм. Аллоҳ таоло еру осмонлардаги барча нарсаларни инсоният манфаати учун яратганини Ўз каломида айтиб ўтган. Жосия сурасининг 13-оятида бундай дейилган: “Ва сизга осмонлардаги нарсаларни ва ердаги нарсаларни – ҳаммасини Ўз томонидан беминнат хизматкор қилиб қўйди”.
Паррандаларни чатиштиришда шаръан монелик йўқ. Ҳатто бундан бепушт парранда ҳосил бўлса ҳам. Бу худди эшакни отга чатиштириб бепушт ҳайвон бўлган хачир пайдо қилишга ўхшайди. Аммо бу иш орқали қушга зарар ва зулм қилиш ёхуд ўша қуш табиат учун зарур бўлиб, унинг тури йўқолиб келишига олиб келса, ножоиз бўлади. Валлоҳу аълам.
Ўзбекистон мусулмонлари идораси
Фатво маркази.
Фарғонада яна бир оғир беморнинг ҳолидан хабар олинди
«Вақф» хайрия жамоат фонди Фарғона вилояти филиалининг фидойи ходимлари ва волонтёрлари томонидан саховатпеша халқимиз томонидан қилинган хайр-эҳсонлар эзгу мақсадлар йўлида сарфланмоқда.
Навбатдаги хайрия тадбири доирасида Учкўприк туманида яшовчи, жигар циррози касаллигига чалинган оғир бемор Казаков Илёсжон Ёқубовичнинг ҳолидан хабар олиниб, унга жарроҳлик амалиёти харажатлари учун 132 миллион 500 минг сўм миқдорида хайрия маблағи, озиқ-овқат маҳсулотлари жамланмаси, Мусҳаф ва бошқа эҳсонлар топширилди.
Бугун беморлар ва эҳтиёжманд инсонларга кўрсатилаётган бундай кўмак — халқимизнинг меҳр-оқибати, саховати ва ҳамжиҳатлигининг ёрқин ифодасидир.
Ўзбекистон мусулмонлари идораси Матбуот хизмати
