Сурхон отинойилари учун семинар ўтказилди
#xabarlar
Жорий йилнинг 16 февраль куни Сурхондарё вилояти отинойилари учун "Юртимизда ижтимоий-маънавий муҳитни соғломлаштиришда отинойиларнинг ўрни" мавзусида семинар ўтказилди. Уни Сурхондарё вилояти бош отинойииси Х. Косимова очиб берди. Унда Ўзбекистон мусулмонлари идорасининг Хотин-қизлар масалалари бўйича бўлими бошлиғи Д.Эгамова ва мазкур бўлим етакчи мутахассиси М.Абубакировалар маъруза қилдилар.
Семинарда отинойиларнинг жамиятдаги ўрни ва масъулияти, отинойининг одоб-ахлоқ қоидалари, малака талаблари, маъруза қилиш меъёрлари мавзуларида суҳбат бўлди.
Шунингдек, маърака ва маросимларда бидъатларга йўл қўймаслик, исроф ва дабдабадан тийилиш, динимизнинг соф таълимотларига амал қилиш ҳақида атрофлича тушунчалар берилди.
Ёш авлодни турли ёт ғоялардан асраш, уларни тўғри йўлга бошлашда отинойиларнинг ибратли сўзи ва амали муҳим эканлиги қайд этилди.
Ўзбекистон мусулмонлари идораси Сурхондарё вилояти вакилининг Хотин кизлар масалалари бўйича ўринбосарнинг ёрдамчиси Ҳасанова Мафтуна Холматжоновна 2025 йилдаги фидокорона меҳнати ва диний-маърифий ишлар самарадорлигини оширишда қўшган ҳиссаси учун "ЭНГ ФИДОКОР ХОДИМ" мақтов ёрлиғи билан тақдирланди.
Шунингдек, бош отинойининг фаолиятидаги ҳужжатлар юритилиши ўрганилди ва зарур тавсиялар берилди.
Mumina.uz
Эҳтиёжманд оилалар фарзандларига байрам совғалари улашилди
Ватанимиз мустақиллигининг 35 йиллик байрами ҳамда янги ўқув йили арафасида Сирдарё тумани "Бахт" жоме масжиди имом-хатиби Муҳаммаджон домла Ғоибов ташаббуси билан саховатпеша ҳомийлар кўмагида хайрия тадбири ташкил этилди.
Тадбир доирасида ҳудуддаги "Тинчлик", "Зиёкор" ва "Тадбиркор" маҳалла фуқаролар йиғинларида истиқомат қилувчи 20 нафар ижтимоий ҳимояга муҳтож, кам таъминланган оилалар фарзандларига мактаб ўқув қуроллари жамланмалари ҳамда байрам совғалари топширилиб, уларнинг кўнгли шод этилди.
Ўзбекистон мусулмонлари идораси
Матбуот хизмати