Фаришталар дуо қилишади
Бисмиллаҳир Роҳманир Роҳийм
"Ким Рамазон ойида ҳалол ризқ билан бир рўзадорга ифторлик қилиб берса, фаришталар рамазоннинг ҳар кечасида унинг ҳаққига дуо қиладилар" (Ибн Абу Дунё. “Фазоилу Рамазон”).
Фарғонада яна бир оғир беморнинг ҳолидан хабар олинди
«Вақф» хайрия жамоат фонди Фарғона вилояти филиалининг фидойи ходимлари ва волонтёрлари томонидан саховатпеша халқимиз томонидан қилинган хайр-эҳсонлар эзгу мақсадлар йўлида сарфланмоқда.
Навбатдаги хайрия тадбири доирасида Учкўприк туманида яшовчи, жигар циррози касаллигига чалинган оғир бемор Казаков Илёсжон Ёқубовичнинг ҳолидан хабар олиниб, унга жарроҳлик амалиёти харажатлари учун 132 миллион 500 минг сўм миқдорида хайрия маблағи, озиқ-овқат маҳсулотлари жамланмаси, Мусҳаф ва бошқа эҳсонлар топширилди.
Бугун беморлар ва эҳтиёжманд инсонларга кўрсатилаётган бундай кўмак — халқимизнинг меҳр-оқибати, саховати ва ҳамжиҳатлигининг ёрқин ифодасидир.
Ўзбекистон мусулмонлари идораси Матбуот хизмати
- «
- »