Агар рўзадор тилини тиймаса…
Умар ибн Абдулазиз раҳимаҳуллоҳ дедилар: “Биз солиҳ зотларни топдикки, улар ибодатни фақат рўза тутиш ёки намоз ўқишда эмас, балки одамларнинг обрўсига (тил билан) тегишдан тийилишда деб билардилар. Зеро, тунлари қоим ва кундузлари рўзадор бўлган киши агар тилини сақламаса, Қиёмат куни муфлислардан бўлиб қолади” (Ибн Абдулбарр раҳимаҳуллоҳ. “Ат-Тамҳид”).
“Муфлис” – мол-мулкидан айрилган, касодга учраган (банкрот) одам.
Олий маъҳаднинг 1-курс талабалари Ўзбекистон мусулмонлари идораси фаолияти билан таништирилди
Имом Бухорий номидаги Тошкент ислом институтига янги қабул қилинган 1-курс талабалари Ўзбекистон мусулмонлари идораси раиси ўринбосари устоз Зайниддин домла ҳамроҳлигида идора фаолияти билан яқиндан танишдилар.
Танишув давомида талабаларга Ўзбекистон мусулмонлари идорасининг тарихи, тузилмаси, асосий вазифалари ва фаолият йўналишлари ҳақида маълумот берилди. Шунингдек, диний-маърифий соҳада амалга оширилаётган ишлар, таълим ва маърифат йўналишидаги лойиҳалар хусусида сўз юритилди.
Талабалар идора фаолиятига оид ўзларини қизиқтирган саволларга жавоб олиб, келгусидаги таълим ва касбий фаолиятлари учун муҳим маълумотларга эга бўлдилар.
Ўзбекистон мусулмонлари идораси Матбуот хизмати
