Тўрт мазҳаб
Тўрт мазҳаб бу - мужтаҳид имомларининг хулосасидир. Саҳоба ва тобеъинлар фиқҳининг хулосасидир. У динни тушуниш борасида мусулмонларнинг мўътамад, тан олинган мадрасаларидир. У тойилиш ва ҳаддан ошишдан йироқ бўлган, мўътадил йўл бўлиб, Аллоҳ таоло ерда унга қабулни битган, уламолар қувватлаган ва барча мусулмон мактаблари шуларнинг асосига барпо этилгандир.
Шу сабаб, ушбу мазҳабларга қарши урушадиган, курашадиганлар ҳалокатга йўлиқувчидир. Бу қаршилиги билан солиҳ салафлар эътиқодига қарши урушувчидир, саҳобалар эътиқодига қарши урушувчидир ва бу уриниши билан Ислом динига қарши урушувчидир. Чунки Ислом тушунчаси мана шу тўрт мазҳаб мадрасалари асосида шаклланган. Аллоҳ таоло ушбу мазҳаб соҳибларидан Ўзи рози бўлсин ва баракотларидан манфаатлантирсин.
Доктор Абдулқодир Ҳусайн
Имом домла халқаро танлов ғолиби бўлди
Тошкент шаҳар Юнусобод туманидаги "Кулол-Қўрғон" жоме масжиди имом ноиби Баҳодир домла Муҳаммадиев Ўзбекистон – Буюк Британия ҳамкорлигида ўтказилган халқаро конференция доирасидаги «Буюк хизмат – Олий шараф» илмий-амалий кўрик-танловида ғолиб деб топилди.
Имом-домламизнинг илмий фаолияти, таълим соҳасидаги ташаббуслари ҳамда фидокорона меҳнатлари юқори баҳоланиб, у киши «Буюк хизмат – Олий шараф» халқаро эсдалик ва шараф нишонлари ҳамда махсус гувоҳнома билан тақдирландилар.
Баҳодир домлани ушбу юксак эътироф билан самимий қутлаймиз!
Аллоҳ таоло домламизнинг илмларини бундан-да зиёда қилсин, динимиз ва эл-юртимиз ривожи йўлидаги ижодий ва илмий фаолиятларига барака берсин!
Ўзбекистон мусулмонлари идораси
Матбуот хизмати
