Иймонли чодир туғёнли қасрдан яхшидир
Гарчи ҳасадгўйларим қилсам ҳам мен маломат,
Рад этмасман эканлигим уларга уқубат.
Чодирда яшасада муслима бўлган, Роббисига ибодат қиладиган ва беш вақт намозини ўқиб, рўзасини тутадиган аёл баланд қасрлар ва кўплаб хизматкорлар орасида яшайдиган аёлдан бахтлироқдир. Мўмина бўлиб оддий уйда, фақатгина арпа нони ва бир хўплам суви ҳамда у билан Қуръони ва тасбеҳи бўлган аёл мармар уйлару бахмал кўрпалар орасида Роббисини танимайдиган, Мавлосини эсламайдиган ва Пайғамбарига эргашмайдиган аёлдан бахтлироқ яшайди. Шундай экан, сиз бахтнинг ҳақиқий маъносини англанг. У кўпчилик тор доирада тушунгани каби бойликлар, кийимлару таомларда эмас.
Ҳақиқий бахт-саодат бу қалб розилиги, кўнгил роҳати, нафс ҳотиржамлиги, руҳ шодлиги, хулқ-атвор тўғрилиги ва қаноатдир.
Шуъла: Мусулмонга азият берган ёки бандага зулм қилган инсон қандай хотиржам бўлсин?!
Тошкент ислом институти ўқитувчилари Ал-Азҳар университетида малака оширдилар
Ал-Азҳар университети ҳузуридаги Хорижий талабалар таълимини ривожлантириш марказида Имом Бухорий номидаги Тошкент ислом институти профессор-ўқитувчилари учун ташкил этилган араб тили бўйича малака ошириш дастури якунланди, деб хабар бермоқда “Дунё” АА мухбири.
Икки ҳафта давом этган ўқув курси араб тили ўқитувчиларининг касбий салоҳиятини ошириш, замонавий педагогик ёндашувлар ва тил ўқитишнинг илғор методикаларини ўрганишга қаратилди.
Дастур якунида ўтказилган тантанали маросимда марказ раҳбари, профессор-доктор Наҳла ас-Саидий иштирокчиларга сертификатларни топширди. У мазкур ташаббус Ал-Азҳарнинг араб тилини халқаро миқёсда оммалаштиришга қаратилган лойиҳалари доирасида амалга оширилганини таъкидлади.
Тадбир давомида таълим соҳасидаги ҳамкорликни янада кенгайтириш масалалари муҳокама қилинди. Наҳла ас-Саидий Тошкент ислом институти билан академик алоқаларни мустаҳкамлаш ва қўшма дастурларни амалга ошириш мақсадида ҳамкорлик меморандумини имзолаш ташаббусини илгари сурди.
Ўз навбатида, Тошкент ислом институти вакиллари дастур юқори савияда ташкил этилгани учун Ал-Азҳар университети раҳбариятига миннатдорлик билдирдилар.
Ўзбекистон мусулмонлари идораси
Матбуот хизмати
- «
- »