Бухорода имконияти чекланган фуқаролар ҳолидан хабар олинди
Қурбон ҳайити муносабати билан Бухоро вилоятида Кўзи ожизлар жамиятининг 20 нафар аъзосига 13 турдаги озиқ-овқат маҳсулотларидан иборат хайрия тўпламлари топширилди.
Ўзбекистон мусулмонлари идораси Бухоро вилояти вакили Жобир домла Элов бошчилигида ўтказилган ушбу тадбирда ҳамюртларимизга байрам табриклари ва эзгу тилаклар билдирилди.
Ўз навбатида, кўрсатилаётган доимий эътибор ва ғамхўрлик учун фуқаролар миннатдорлик изҳор этиб, юртимиз тинчлиги ва осойишталиги учун дуолар қилдилар.
Мазкур хайрли ташаббус Қурбон ҳайитининг инсонпарварлик, меҳр-оқибат ва саховат каби юксак диний-инсоний қадриятларини яна бир бор намоён этди.
Ўзбекистон мусулмонлари идораси
Бухоро вилояти вакиллиги
Матбуот хизмати
Байрам шукуҳи хонадонларга кириб боряпти
Энг улуғ, энг азиз байрам – Мустақиллик шодиёналарига саноқли кунлар қолди. Айём арафасида кам таъминланган, боқувчисини йўқотган, ўзгалар кўмагига муҳтож беморлар, кексалар ҳолидан хабар олиниб, уларга байрам туҳфалари етказиб бериляпти.
Бугун Тошкент шаҳар бош имом-хатиби Абдуқаҳҳор домла Юнусов бошчиликларида имом-домлалар, ҳомийлар пойтахтимизнинг Олмазор туманидаги "Исломобод" масжидида йиғилиб, эҳтиёжманд оилалар ҳолидан хабар олишди.
«Вақф» хайрия жамоат фонди Тошкент шаҳар филиали ҳамда ҳомийлар кўмагида тайёрланган озиқ-овқатлар жамланмаси, ширинликлардан иборат эҳсонлар билан хонадонларга кириб борилди.
Кўнгли ўксик инсонлар байрам туҳфаларини олиб, азиз юртимизда ҳеч ким меҳр ва эътибордан четда эмаслигига яна бир карра амин бўлишди.
Аллоҳ таоло эҳсонларни қабул қилсин. Савобларини кўпайтириб берсин!
Тошкент шаҳар вакиллиги
Матбуот хизмати
