Талаба-ёшлар учун илмий сафар уюштирилди
Шу йил 2-3 июнь кунлари Қашқадарё вилоятидаги «Хожа Бухорий» ўрта maxsus ислом таълим муассасаси мудири Ўткир Ғузаров бошчилигида устоз ва талабаларнинг Самарқанд ва Тошкент шаҳарларига илмий-маърифий саёҳати ташкил этилди.
Имом Бухорий мероси ва Ҳадис илми мактаби
Сафарнинг илк кунида жамоа Имом Бухорий ёдгорлик мажмуасини зиёрат қилиб, у ердаги улкан бунёдкорлик ишлари билан танишдилар. Шундан сўнг, Самарқанддаги Ҳадис илми мактабига ташриф буюрилди. Ректор Барот Амонов ҳамда институт доктори Салоҳ Исо билан ўтган маърифий учрашувда талабаларга илм олиш одоблари, вақт қадри ва мутолаанинг аҳамияти ҳақида қимматли тавсиялар берилди. Меҳмонлар мактабдаги замонавий таълим шароитлари билан ҳам яқиндан танишишди.
Ислом цивилизацияси маркази
Илмий сафарнинг иккинчи куни пойтахтимизда давом этди. Устоз ва талабаlar муҳташам Ўзбекистондаgi Ислом цивилизацияси марказида бўлиб, марказнинг илмий-маърифий фаолияти, бой экспозициялари ҳамда аждодларимиз меросини тарғиб этиш борасидаги ишларни кўздан кечиришди.
Юқори кайфиятда ўтган ушбу сафар талабаларнинг илмий дунёқарашини бойитиш ва ўзаро тажриба алмашишда муҳим қадам бўлди.
Ўзбекистон мусулмонлари идораси
Матбуот хизмати
Банклар ва микромолия ташкилотлари ўз фаолиятини исломий банк фаолиятига ўзгартириши мумкин
Адлия вазирлиги Микромолия ташкилоти ва банк фаолиятини ўзгартириш тартиби тўғрисидаги низомга ўзгартириш ва қўшимчаларни давлат рўйхатидан ўтказди (рўйхат рақами 3656-1, 01.08.2026 й.), хабар бермоқда huquqiyaxborot Telegram канали.
Мазкур идоравий ҳужжат "Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида" 2026 йил 27 мартдаги ЎРҚ–1126-сон Қонунга мувофиқ айрим кредит ташкилотлари фаолиятини ўзгартиришнинг қуйидаги тартиб-таомилларини белгилайди:
- микромолия ташкилотини фақат исломий банк фаолиятини амалга оширувчи микромолия банкига ўзгартириш;
- фақат исломий банк фаолиятини амалга оширувчи микромолия банкини фақат исломий банк фаолиятини амалга оширувчи банкка ўзгартириш;
- фақат исломий банк фаолиятини амалга оширувчи банкни фақат исломий банк фаолиятини амалга оширувчи микромолия банкига ўзгартириш;
- фақат исломий банк фаолиятини амалга оширувчи микромолия банкини микромолия ташкилотига ўзгартириш;
- банкни фақат исломий банк фаолиятини амалга оширувчи банкка ўзгартириш.
Шунингдек, ўз фаолиятини фақат исломий банк фаолиятини амалга оширувчи банкка ўзгартиришга фақат исломий банк фаолиятини амалга оширувчи микромолия банки ҳақли.
Микромолия банкини давлат рўйхатидан ўтказиш ва банк фаолиятига доир тегишли лицензия (лицензиялар) олиш учун ногиронлиги бўлган шахслар учун микромолия банки биноларида шаҳарсозлик нормалари ва қоидаларида белгиланган талабларга мувофиқ қулай шарт-шароитлар яратилганлиги бўйича Қурилиш ва уй-жой коммунал хўжалиги соҳасида назорат қилиш инспекциясининг хулосаси мавжуд бўлиши керак.
Ташаббус Форс кўрфази мамлакатларидан инвестицияларни жалб қилишга қаратилган бўлиб, дастлабки ҳисоб-китобларга кўра, ушбу чора-тадбирларни амалга ошириш иқтисодиётга депозитлар ва тўғридан-тўғри инвестициялар кўринишида тахминан 1 миллиард доллар жалб қилиши мумкин. Мутахассисларнинг прогнозларига кўра, 2035 йилга бориб Ўзбекистон ушбу тизим ишга туширилгандан бери дунёда ислом молиясининг энг тез ўсишини намойиш этади.
Ўзбекистон мусулмонлари идораси Матбуот хизмати
