Исломда сувни асрашнинг аҳамияти
Ислом таълимотида сув - Аллоҳнинг буюк неъмати. Уни эҳтиёткорлик билан ишлатиш нафақат экологик маданият, балки ибодат ва иймон одобининг бир қисми ҳисобланади.
Сув - неъмат. Асранг, тежанг ва эҳтиром қилинг!
Ўзбекистон Президенти Баҳоуддин Нақшбанд мақбарасини зиёрат қилди
Ўзбекистон Президенти Шавкат Мирзиёев бугун Ўзбекистон–Озарбайжон саммитининг иккинчи куни тадбирларида иштирок этиш учун Бухоро шаҳрига келди, деб хабар бермоқда “Дунё” АА.
Давлатимиз раҳбари матбуот хизмати маълумотига кўра, ташриф хайрли амалдан – Баҳоуддин Нақшбанд мақбараси зиёратидан бошланди. Қуръон оятлари тиловат қилиниб, халқимизга тинчлик-фаровонлик тилаб, дуо ўқилди.
Мажмуа ислом оламининг улуғ қадамжоларидан бири ҳисобланади. Мазкур зиёратгоҳ Нақшбандия тариқатининг асосчиси Баҳоуддин Нақшбанд дафн этилган жойда барпо этилган бўлиб, бугунги кунда мақбара, хонақоҳ, масжидлар, дахма ва сўфийлик тарихи музейини ўз ичига олади.
Ўзбекистон мусулмонлари идораси Матбуот хизмати
