Аллоҳ таоло Довуд алайҳиссаломга бундай буюрди: “Бандаларимга айтгинки, ким Менинг муҳаббатимни даъво қилса-ю, тун кирганда Мен билан суҳбатлашмасдан ухласа, у ёлғончи ошиқдир”.

Ахир, чин ошиқ ўз севгани билан ёлғиз қолишни истамайдими? Албатта, хоҳлайди. Шунинг учун, ким Аллоҳ таоло муҳаббатининг даъвосини қилса, тунлари ҳамма ухлаганда пешонасини саждага қўйиб, Ўз маҳбуби билан дил розларини арз қилсин.
 

Шайх Зулфиқор Аҳмад Нақшбандийнинг "Илоҳий ишқ" китобидан
Нодир Одинаев таржимаси