БИТТА КЛИК — ВАЙРОН БЎЛГАН ТАҚДИР!
"Курьер керак. Кунлик тўлов. Малака шарт эмас..." Интернетдаги ушбу жозибали эълон ортида қандай мудҳиш тузоқ турганини биласизми?
"Зиё" медиа марказининг янги "КУРЬЕР" ижтимоий радиоролиги — осон пул топиш шавқида ҳаёти барбод бўлган йигит ва жигарбандининг қилмишидан қадди букилган она изтироби ҳақида.
Хулоса қилинг, огоҳ бўлинг! Баъзан телефон экранига биргина "клик" босиш кутилмаган мусибатларга олиб келади.
Саховатпеша юртдошларимиз масжидлар коммунал тўловларини қўллаб-қувватламоқда
Ўзбекистон мусулмонлари идораси Масжидлар билан ишлаш бўлимининг маълумотига кўра, 2026 йилнинг июнь–июль ойлари давомида юртдошларимиз томонидан DOMO мобил иловаси орқали масжидларнинг коммунал харажатларини қоплашга қаратилган хайрли ташаббус фаол қўллаб-қувватланди.
Ушбу давр мобайнида 650 та масжид учун жами 254,7 миллион сўм хайрия маблағлари йиғилиб, пўлатдай шаффофлик билан тўловларга йўналтирилди.
Сарфланган маблағлар тақсимоти:
-
225,9 млн сўм (88,7%) — электр энергияси тўловларига;
-
28,8 млн сўм (11,3%) — табиий газ харажатларини қоплашга.
Энг кўп хайрия қилинган ҳудудлар:
-
Тошкент шаҳри — 103,6 млн сўм;
-
Тошкент вилояти — 29,3 млн сўм;
-
Қорақалпоғистон Республикаси — 27,4 млн сўм;
-
Фарғона вилояти — 24,9 млн сўм.
Бу каби хайрли эҳсонлар масжидларимизнинг узлуксиз фаолиятини таъминлаш ва намозхонлар учун муносиб шароит яратишга хизмат қилмоқда.
Барча саховатпеша ҳамюртларимизга самимий миннатдорлик билдириб, қилинаётган эзгу амалларга Ҳақ таолодан барака тилайди.
Ўзбекистон мусулмонлари идораси
Матбуот хизмати