Марказий банк ҳузурида Исломий молия кенгаши ташкил этилди
Марказий банк ҳузурида Исломий молия кенгаши ташкил этилди. Бу ҳақда Спот регулятор матбуот хизматига таяниб хабар берди.
Қайд этилишича, кенгаш исломий банк фаолиятини амалга оширувчи банклар, исломий молиялаштириш хизматларини ко‘рсатувчи микромолия ташкилотлари, Омонатларни кафолатлаш агентлиги ҳамда Марказий банк назорати остидаги бошқа ташкилотларнинг исломий молия фаолиятини мувофиқлаштирувчи коллегиал орган ҳисобланади.
Кенгаш таркибига беш нафар мутахассис — ислом ҳуқуқи бо‘йича то‘рт нафар эксперт ва исломий молия соҳасидаги бир нафар техник эксперт киритилди.
О‘збекистон мусулмонлари идораси Фатво маркази бош мутахассиси Саиджамол Масайитов кенгаш раиси, марказ бош мутахассиси Муҳаммадаюбхон Ҳомидов эса раис о‘ринбосари этиб тайинланди. Шунингдек, Фатво маркази мутахассислари Ҳикматилла Тоштемиров ва Абдуллатиф Турсунов ҳамда Ориент Аудит Груп аудиторлик компаниясининг бошқарувчи ҳамкори Ахроржон Садуллаев кенгаш а‘золари бо‘лди.
Кенгаш а‘золарининг аксарияти ислом ҳуқуқи соҳасида ко‘п йиллик тажрибага эга бо‘либ, О‘збекистон мусулмонлари идораси Уламолар кенгаши таркибига киради ҳамда исломий молия ё‘налишида ААОИФИ халқаро сертификатларига эга.
Техник эксперт Ахроржон Садуллаев банк-молия соҳасида 20 йилдан ортиқ тажрибага эга. У аввал Марказий банк, Алоқабанк, КДБ Банк Узбекистан, шунингдек, КПМГ, Эрнст & Ёунг ва Грант Тҳорнтон халқаро аудиторлик компанияларида фаолият юритган.
Кенгаш исломий молия стандартлари лойиҳаларини халқаро стандартлар ва маҳаллий шароитни инобатга олган ҳолда ишлаб чиқади.
Шунингдек, Марказий банкка исломий молия фаолиятини тартибга солиш ва назорат қилиш масалалари юзасидан хулоса ва тавсиялар беради, норматив-ҳуқуқий ҳужжатлар лойиҳаларини тайёрлашда иштирок этади ҳамда соҳада юзага келадиган низолар бо‘йича тушунтиришлар беради.
Бундан ташқари, кенгаш банклар ва микромолия ташкилотларига исломий молия фаолияти юзасидан тавсиялар беради, улар билан даврий маслаҳат учрашувлари о‘тказади.
Зарурат туг‘илганда Исломий молия институтлари учун бухгалтерия ҳисоби ва аудит ташкилоти (ААОИФИ) йиг‘илишларида Марказий банк номидан қатнашади.
Марказий банк ма‘лумотига ко‘ра, кенгаш ҳар йили о‘з фаолияти бо‘йича ҳисоботни регулятор бошқарувига тақдим этади.
Спот, аввалроқ, О‘збекистонда исломий микромолия хизматлари ҳажми 22 млрд со‘мга етгани ҳақида ёзганди.
О‘збекистон мусулмонлари идораси Матбуот хизмати
Саудия Арабистони университети Ўзбекистон олий ўқув юртлари билан ҳамкорликни режалаштирмоқда
Ўзбекистон дипломатлари Мадина шаҳрида Таййиба университети раҳбари, доктор Наваль бинт Муҳаммад бин Иброҳим Аль-Жабр ар-Рашид билан учрашув ўтказдилар, деб хабар бермоқда “Дунё” АА.
Унинг сўзларига кўра, айни пайтда мазкур университетда 11 нафар Ўзбекистон фуқароси таҳсил олмоқда, улардан етти нафари қизлар ва тўрт нафари йигитлардир. Талабаларнинг олти нафари араб тилини, беш нафари эса исломшуносликни ўрганмоқда.
Томонлар профессор-ўқитувчилар таркиби ва мутахассислар ўртасида тажриба алмашишдан манфаатдор эканликларини билдирдилар. Хусусан, ахборот технологиялари, муҳандислик, тиббиёт, чет тиллари, ҳунармандчилик ва туризм йўналишларига ихтисослашган ўзбек олий ўқув юртлари билан ҳамкорлик қилиш масаласи муҳокама қилинди.
Шунингдек, жорий йилнинг ноябрь ойида ўзбекистонлик талабалар иштирокида давра суҳбатини ўтказиш бўйича келишувга эришилди. Бу борада Тошкент давлат шарқшунослик университети, Ўзбекистон давлат жаҳон тиллари университети ва Тошкент ахборот технологиялари университетини потенциал ҳамкорлар сифатида кўриб чиқиш таклиф этилди.
Ўзбекистон мусулмонлари идораси Матбуот хизмати
