"Заковат" интеллектуал беллашуви ғолиблари аниқланди
Ўзбекистон Республикаси давлат мустақиллигининг 35 йиллиги муносабати билан Ўзбекистон мусулмонлари идораси Навоий вилоят вакиллиги ҳамда Навоий вилоят ҳокимлиги ҳамкорлигида «Қуръон тинчликка буюради» шиори остида имом-хатиблар ва имом ноиблари ўртасида ташкил этилган «Заковат» интеллектуал беллашуви юқори савияда бўлиб ўтди.
Беллашув натижалари:
1-ўрин — «Шайх Гадой Селкин» жамоаси
2-ўрин — «Қизилқум» жамоаси
3-ўрин — «Нурота» жамоаси
Ғолиб жамоаларни самимий муборакбод этамиз!
Барча иштирокчиларга илм-маърифат йўлидаги эзгу саъй-ҳаракатларида муваффақиятлар, юртимиз тинчлиги, халқимиз маънавияти юксалиши ва Ватанимиз равнақи йўлидаги фаолиятларида улкан зафарлар тилаймиз.
Hazratnavoi.uz
ҲАМДАРДЛИК БИЛДИРАМИЗ
Ўзбекистон мусулмонлари идораси жамоаси Имом Термизий халқаро илмий-тадқиқот маркази ходими Ҳикматуллоҳ домла Абиевга падари бузрукворининг вафоти муносабати билан таъзия билдиради.
Аллоҳ таоло марҳумнинг барча солиҳ амалларини ҳусни қабул айласин, жаннати Фирдавсдан жой ато қилсин, раҳматига олсин.
Марҳумнинг аҳли байти ва яқинларига гўзал сабр, сабрларига ажрлар ато этсин. Мусибатлари ўрнини яхшиликлар ила тўлдирсин.
Иннаа лиллааҳи ва иннаа илайҳи рожиъуун!
«Барчамиз Аллоҳникимиз ва барчамиз У Зотга қайтамиз».
Ўзбекистон мусулмонлари идораси