Ҳашар – элга ярашар
Мустақилликнинг 35 йиллик байрами муносабати билан юртимиз бўйлаб 22–23 август кунлари умумхалқ хайрия ҳашари ўтказиляпти.
Ўзбекистон мусулмонлари идораси Тошкент шаҳар вакиллиги раҳбарияти ташаббуси билан 22 август куни пойтахтимиздаги барча масжидларда масжид ходимлари билан биргаликда жоме ҳовлиси, хонақоҳ, кўчалар, йўлаклар тартибга келтирилмоқда, дарахтларга ишлов берилмоқда.
Ўзбекистон мусулмонлари идораси Матбуот хизмати
Бухородаги "Сайфиддин Бохарзий" масжидида янги таҳоратхона фойдаланишга топширилди
Бухоро шаҳридаги "Сайфиддин Бохарзий" (Шайх ул-Олам) жоме масжидида замонавий талаблар асосида барпо этилган янги таҳоратхона намозхонлар ихтиёрига топширилди.
Мазкур иншоот бир вақтнинг ўзида 70 нафаргача намозхонга хизмат кўрсатиш қувватига эга. Шунингдек, унда имконияти чекланган фуқаролар учун махсус жиҳозланган 4 та алоҳида хона ҳам ташкил этилган.
Иншоот ёзги ва қишки мавсумларда ибодат қилувчилар учун максимал даражада қулай бўлган барча зарур шароитлар, жумладан, иситиш ва совитиш тизимлари билан тўлиқ таъминланган.
Аллоҳ таоло ушбу хайрли ишга ҳисса қўшган ҳомийлар, меҳнат қилган қурувчи ва усталарнинг эзгу амалларини даргоҳида ҳусни қабул айласин!
Ўзбекистон мусулмонлари идораси
Матбуот хизмати