16 Май, 2025, 18 Зулқаъда, 1446
16 Май, 2025, 18 Зулқаъда, 1446
Москва мэрияси ислом мамлакатларидан сайёҳлар оқимини кўпайтиришга қаратилган чора-тадбирларни ишлаб чиқмоқда. Бу ҳақда islamnews канали маълум қилган.
Пойтахтдаги туризм қўмитаси раҳбари Юлия Сюндюкованинг сўзларига кўра, мусулмон сайёҳларга хизматни яхшилаш режалаштирилган бўлиб, айни кунда сайёҳлик салоҳиятини намойиш этувчи тақдимотлар қўшни мамлакатларда ўтказилган.
“Муайян манзилни саёҳат қилаётган мусулмонлар ҳалол озиқ-овқат мавжудлигига эътибор беришади. Шунинг бу борада барча жойларда ишлар олиб борилмоқда. Шу билан бирга меҳмонхоналарда жойнамоз ва диний адабиётларнинг мавжудлигига ҳам эътибор берилмоқда”, деди Сюндюкова.
Расмийнинг таъкидлашича, мусулмонлар учун туризмни ривожлантириш пойтахтнинг устувор йўналишларидан биридир.
Ўзбекистон мусулмонлари идораси матбуот хизмати
Бугун, 15 май куни Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов фуқароларни қабул қилиб, уларнинг мурожаат ва таклиф-мулоҳазаларини тинглади.
Мазкур қабул жараёнида фуқаролар томонидан билдирилган масжидлар қуриш, таълим олиш, оилавий муносабатлар, моддий ёрдамга оид масалалар атрофлича ўрганилиб, масъулларга қисқа муддатларда ҳал этиш юзасидан топшириқ берилди.
Бугунги қабул давомида юртимизнинг турли ҳудудларидан келган ҳар бир фуқаронинг муаммо ва таклифлари эшитилиб, уларнинг ечими бўйича амалий чоралар кўрилди.
Ана шундай қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларда ҳафтанинг ҳар чоршанба куни имом-домлалар томонидан ҳам амалга оширилмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 