Саудия Арабистони расмийлари Масжидул Ҳаром ҳовлиларини ободонлаштириш ва кўкаламзорлаштириш лойиҳасини ишга туширди.

Шу кунларда ижтимоий тармоқларда Масжидул Ҳаромнинг яшил майдонлари акс этган видеолар тарқалди, деб ёзади IslamNews.

Лойиҳа ижодкорлари ободонлаштириш ишлари зиёратчиларнинг келиб-кетишига таъсир қилмаслигини таъкидлашди. Шунингдек, улар кўкаламзорлаштириш ишларида ҳаво алмашинувини яхшилашга хизмат қилувчи, ҳашаротларни ўзига тортмайдиган ўсимликлар танлаб олиниб, экилаётганини қайд этишди.

Расмийларнинг маълум қилишича, ҳаводаги кислородни қувватлантириш учун 734 квадрат метр майдон ажратилган. Бу ўз навбатида, глобал исиш таъсирини тиклашга, ҳаво ифлосланишининг олдини олишга ва умуман ҳаво сифатини яхшилашга ёрдам беради.