Оксфордда "Ўзбекистон кунлари" ўтказилади
Ўзбекистон элчиси Равшан Усмонов Оксфорд ислом тадқиқотлари маркази директори Фарҳан Низомий билан музокара ўтказди, деб хабар бермоқда «Дунё» АА мухбири.
Учрашувда Фарҳан Низомий Ўзбекистон бой маънавий, маданий ва илмий меросга эга эканини, ўзбек заминининг буюк аллома ва мутафаккирлари ислом цивилизацияси ва жаҳон илм-фани ривожига улкан ҳисса қўшганини таъкидлади. Шу муносабат билан Ўзбекистоннинг ихтисослашган муассасалари билан илмий-тадқиқот ва ҳамкорлик алоқаларини ривожлантириш Оксфорд ислом тадқиқотлари маркази фаолиятининг устувор йўналиши экани алоҳида қайд этилди.
Шунингдек, Ўзбекистондаги ўзгаришлар, мамлакатимизнинг халқаро майдонда, шу жумладан ислом оламидаги нуфузини ошириш бўйича ислоҳотлар юксак баҳоланди.
Томонлар қўшма илмий семинарлар ташкил этиш, Ўзбекистон илмий марказларидан тадқиқотчиларни Оксфорд ислом тадқиқотлари марказига амалиёт ўташ учун юбориш, нодир қўлёзмаларнинг факсимил нусхаларини олиш ва бошқа масалаларни муҳокама қилдилар.
Индонезия ва Малайзия каби Осиё мамлакатларида ўз самарасини исботлаган исломий молия воситаларини илгари суриш бўйича келишувга эришилди.
Музокаралар якунида Оксфорд марказида «Ўзбекистон кунлари» тадбирини ўтказиш тўғрисида келишиб олинди.
Оксфорд ислом тадқиқотлари маркази 1985 йилда ислом ва мусулмон дунёси соҳасидаги илмий тадқиқотларни қўллаб-қувватлаш мақсадида ташкил этилган. Марказда ўзбекистонлик тадқиқотчилар Имом Ал-Бухорий ва Имом Ат-Термизий номидаги махсус яратилган стипендия дастурлари доирасида мунтазам амалиёт ўташади.
Ўзбекистон мусулмонлари идораси
Матбуот хизмати
Хушхабар: “Фатволар тўплами” китобининг 3-жузи нашрдан чиқди
Яқинда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигида Фатво маркази уламолари томонидан тайёрланган “Фатволар тўплами” китобининг 3-жузи нашр этилди.
Китобда юртдошларимиз томонидан энг кўп сўралган саволларга жавоблар акс этган. Мазкур асар содда услубда, ҳанафий мазҳабимиздаги мўътабар фиқҳий манбаларга асосланган ҳолда тайёрланган.
Ушбу китобдан ақида, таҳорат, намоз, закот, рўза, ҳаж-умра, қурбонлик, савдо-сотиқ, ижара, никоҳ, қасам, назр, эмизиш, талоқ, мерос, таъқиқ ва рухсатлар, тиб, Ислом тарихи, Қуръон, зикр, фазилатли амаллар каби мавзулардаги қизиқарли саволларга батафсил жавоб топишингиз мумкин.
Китобнинг ҳажми: 584 бет;
Муқоваси: Қаттиқ, зарҳал
Нашриёт: “Shamsiddinxon Boboxonov” NMIU
Улгурчи олувчилар мурожаат қилишлари учун:
+998917806633
@fatvo_reception
Ўзбекистон мусулмонлари идораси
Матбуот хизмати
