Татаристон Республикаси мусулмонлари диний бошқармаси “Aк Барс” банки билан ҳамкорликда “Мусулмонлар учун банк карталари” лойиҳасини ишлаб чиқди. Янги карталар шариат қонунларига тўлиқ мос келади. Ислом меъёрларига кўра, ҳисобдаги пуллар фоизсиз сақланади, қўйилган маблағлар шариат тақиқлаган фаолиятни молиялаштиришга ишлатилмайди. Бу ҳақда islam.ru маълум қилган.
Хусусан, карталар казино хизматлари, қимор ўйинлари, лотерея учун ҳақ тўлаш учун мўлжалланмаган. Шу билан бирга алкоголли ва тамаки каби чеклов маҳсулотларини ҳам харид қилиш мумкин эмас. Ушбу карта билан бар ва тунги клубларда тўлов қилишнинг имконияти йўқ.

Ўзбекистон мусулмонлари идораси Матбуот хизмати