“Жумадан жумагача” (22-12-2023)
Ўтган ҳафтада диний-маърифий соҳада рўй берган муҳим хабарларнинг қисқача тафсилоти
00:18 Анонс
01:00 Қатар Амири Тошкентга келди
01:31 Иккита муҳим китоб нашрдан чиқди
02:29 Идора вакили халқаро форумда маъруза билан қатнашди
03:12 Фарғона ва Хоразмда масжидларнинг янги бинолари фойдаланишга топширилди
04:17 Идоранинг бўлим мудири “Маънавият фидойиси” кўкрак-нишони билан тақдирланди
04:39 Олий маъҳадда Халқаро Араб тили куни кенг нишонланди
05:17 Диний таълим муассасалари талабалари ўртасида маърифий мусобақалар ўтказилди
05:53 Бош имом-хатиб хайрия ишларига бош бўлди
06:25 Каъбаи муаззамани таъмирлаш ишлари бошланди
06:50 “Маърифат улашиш – энг эзгу амал” шиори остида даврий нашрлар тарғиботи давом этмоқда
Бухорода Қуръон мусобақаси ўтказилди
Ўзбекистон Республикаси Давлат мустақиллигининг 35 йиллиги муносабати билан Бухоро вилоятида фаолият олиб бораётган имом-хатиб ва имом-ноиблар ўртасида “Қуръон тинчликка буюради” шиори остида Қуръон мусобақаси ўтказилди.
Очилиш маросимида Бухоро вилояти бош имом-хатиби Жобир домла Элов сўзга чиқиб, мазкур маърифий тадбирнинг аҳамияти ҳақида сўзлаб, иштирокчиларга муваффақият тилади.
Мусобақани ўтказишдан кўзланган мақсад диний соҳа ходимларининг Қуръони карим бўйича билим ва маҳоратини янада ошириш, улар ўртасида ўзаро ҳамжиҳатлик муҳитини шакллантиришдир.
Беллашувда вилоятнинг туман ва шаҳарларида фаолият юритаётган 10 нафар имом-хатиб ва имом-ноиб иштирок этиб, Қуръони каримни ўқиш ва ёддан билиш борасидаги билим ва маҳоратини намойиш этишди.
Биринчи ўринга Пешку тумани “Чиқирчи” жоме масжиди имом-ноиби Афзал Шавкатов сазовор бўлди. Иккинчи ўрин Бухоро шаҳридаги “Волиди Абдулазизхон” жоме масжиди имом-ноиби Абдувоҳид Акрамовга, учинчи ўрин Жондор тумани “Работўғлон” жоме масжиди имом-хатиби Шуҳрат Шеровга насиб этди.
Ғолибларга диплом ва қимматбаҳо совғалар топширилди.
Ўзбекистон мусулмонлари идораси
Матбуот хизмати
