01 Май, 2025, 3 Зулқаъда, 1446
01 Май, 2025, 3 Зулқаъда, 1446
Мамлакатимизда сўз ва матбуот эркинлигини ривожлантириш, халқимизнинг ахборот соҳасидаги конституциявий ҳуқуқларини таъминлаш, давлат ва жамият бошқарувида очиқлик ва ошкоралик тамойилларини мустаҳкамлаш, жамоатчилик назоратини кучайтиришга қаратилган демократик ислоҳотларни амалга оширишда фаоллик кўрсатиб келаётгани, глобал ахборот майдонида миллий манфаатларимизни ҳимоя қилиш, юртимиздаги яратувчилик ва янгиланиш жараёнлари, эришилаётган ютуқларни кенг тарғиб этишдаги катта хизматлари, соҳа учун малакали профессионал кадрларни тайёрлаш, ёш авлодни Ватанга муҳаббат ва садоқат, миллий ва умуминсоний қадриятлар руҳида тарбиялаш борасидаги самарали фаолияти, шунингдек, ижтимоий ҳаётдаги фаол иштироки учун қуйидагилар фахрий унвон, орден ва медаллар билан мукофотлансин:
«Ўзбекистон Республикасида хизмат кўрсатган журналист» фахрий унвони билан
|
Максудов Мухаммаджон - Ўзбекистон Миллий телерадиокомпаниясининг Наманган вилояти телерадиокомпанияси директори Матякубова Назира Тохтабаевна - Қорақалпоғистон Республикаси «Қорақалпоғистон тонги» газетаси бош муҳаррири Тошев Фармон Исхакович - Самарқанд вилояти «Зарафшон» ва «Самаркандский вестник» газеталари бирлашган таҳририяти бош муҳаррири |
«Ўзбекистон Республикасида хизмат кўрсатган ёшлар мураббийси» фахрий унвони билан
|
Худайкулов Мухтар - Ўзбекистон журналистика ва оммавий коммуникациялар университетининг медиа назарияси ва амалиёти кафедраси профессори Шералиев Рахматилла - Тошкент вилояти «Чирчиқ тонги» газетаси бош муҳаррири |
«Ўзбекистон Республикасида хизмат кўрсатган маданият ходими» фахрий унвони билан
|
Абасханов Рихсибой Абдилазизович - «Ёғду» нашриёти бош муҳаррири Амирова Шахноз Хатамовна (Шаҳноза Ғаниева) - Ўзбекистон Миллий телерадиокомпаниясининг «О‘zbekiston» телерадиоканали» давлат муассасаси «O‘zbekiston tarixi» телеканали лойиҳа бошловчиси Эшонкулов Назар Салиевич - Ўзбекистон Миллий телерадиокомпаниясининг «Ўзбектелефильм» давлат муассасаси директори ўринбосари – бош муҳаррири |
«Меҳнат шуҳрати» ордени билан
|
Джураева Ранохон Гафуровна - Ўзбекистон Миллий телерадиокомпанияси фахрийси Иванова Анна Витальевна - Ўзбекистон Республикаси Президенти Администрацияси масъул ходими Каримова Хатичахон - Фарғона вилояти «Ойдин» газетаси бош муҳаррири Маликов Эркин - «Ҳилол» нашриёти муҳаррири Турсунова Мавжуда Хафизовна - Ўзбекистон Миллий телерадиокомпанияси фахрийси Шодиев Махамаджон Махмуджонович - «Овози тожик» газетаси бўлим муҳаррири |
«Дўстлик» ордени билан
|
Абдуллаева Татьяна Самуговна - «Шарқ» нашриёт-матбаа акциядорлик компаниясининг офсет босма цехи мусаҳҳиҳи Айходжаева Азиза Саденовна - «Нурлы жол» газетасининг қишлоқ хўжалиги ва иқтисодиёт бўлими мудири Алимов Чори - Қизириқ тумани «Тараққиёт» газетаси бош муҳаррири, Сурхондарё вилояти Жуманиязова Халима Тагановна - Америка Қўшма Штатларининг Нью-Йорк шаҳри «Маконим» газетаси бош муҳаррири ўринбосари Каримова Шахзода Ғоппоровна - Балиқчи тумани «Ғалаба» газетаси бош муҳаррири, Андижон вилояти Ли Сергей Алексеевич - «Народное слово» газетасининг иқтисодиёт бўлими муҳаррири Магдиев Баходир Кабул-Кариевич - «Oriat» телерадиокомпанияси» масъулияти чекланган жамиятининг «Oriat Dono» радиоси бошловчиси Марценяк Валентина Викторовна - «Ishonch-Доверие» газетаси масъул котиби Мирзаахмедов Мурабас - «Миллий» телеканалининг «Оталар сўзи – ақлнинг кўзи» кўрсатуви бошловчиси Саматов Фахриддин Умиркулович - Ўзбекистон Миллий телерадиокомпаниясининг «O‘zbekiston» телеканали «Ассалом, Ўзбекистон!» студияси масъул котиби Сафаров Мамадамин Абдуғаппарович - Ўзбекистон Миллий телерадиокомпанияси раиси ўринбосари Хайдарова Дилбархон - Наманган вилояти «Мураббий» газетаси бош муҳаррири |
II даражали «Соғлом авлод учун» ордени
|
Сейданова Лала Алмуратовна - Қорақалпоғистон Республикаси телерадиокомпаниясининг «Қорақалпоғистон» телеканали ижтимоий-сиёсий ва ижтимоий-иқтисодий дастурлар бош муҳаррири Хамидова Мухаббат Махмудовна - «Гулхан» журнали бош муҳаррири ўринбосари |
«Соғлом турмуш» медали билан
|
Каримов Захид Бахримуратович - Ўзбекистон Миллий телерадиокомпаниясининг «Sport» телерадиоканали» давлат муассасаси директори |
«Содиқ хизматлари учун» медали билан
|
Алиқулова Гулчехра Тимуровна - Ўзбекистон Миллий телерадиокомпаниясининг Қашқадарё вилояти телерадиокомпанияси ижодий муҳарририят гуруҳи бош муҳаррири Мамадаминов Алмурат Маматкулович - Ўзбекистон Миллий ахборот агентлигининг фотоахборот таҳририяти фотомухбири Рахманбердиев Жавдат Каримбердиевич - Ўзбекистон Республикаси Президентининг Матбуот хизмати Медиа-маркази бош мутахассиси Саидов Комилжон Саипджанович - Ахборот ва оммавий коммуникациялар агентлигининг Оммавий коммуникациялар масалалари бўйича маркази бошлиғи Ходжаахмедов Суннат Абдуллаевич - «Ўзбекистон нашриёти» давлат унитар корхонаси муҳаррирлар бўлими бошлиғи Хожиев Фарход Жумабаевич - Ўзбекистон Миллий телерадиокомпаниясининг «O‘zbekiston 24» телеканали гуруҳ бош муҳаррири Шарасулов Шамахмут Шакаримович - Ўзбекистон Миллий телерадиокомпаниясининг «Madaniyat va ma’rifat» телерадиоканали» давлат муассасаси режиссёри |
«Келажак бунёдкори» медали билан
|
Боходиров Сарварбек Санжарбек ўғли - «Менинг юртим» телеканалининг «Марказий студия» дастури бошловчиси Убайдуллаев Хикматилла Шухратилла ўғли - Миллий масс-медиани қўллаб-қувватлаш ва ривожлантириш жамоат фондининг жамоатчилик билан алоқалар бўлими раҳбари |
«Шуҳрат» медали билан
|
Адилов Улуғбек Шахарбаевич - Ахборот ва оммавий коммуникациялар агентлигининг Жиззах вилояти бошқармаси бошлиғи Аллаев Фируз Абдунасимович - Тошкент шаҳридаги «Asaxiy books» масъулияти чекланган жамияти раҳбари Асроров Улуғбек Холбоевич - «Янги Ўзбекистон» газетаси таҳририятининг ижтимоий-сиёсий ҳаёт ва ҳуқуқ бўлими мудири Бободўстов Файзулла Муродович - Ўзбекистон Миллий телерадиокомпаниясининг Сирдарё вилояти телерадиокомпанияси ижодий муҳарририят гуруҳи бош муҳаррири Буриева Хулкар Туракуловна - Ўзбекистон Миллий телерадиокомпаниясининг «O‘zbekiston 24» телеканали сухандонлар гуруҳи сухандони Игамбердиева Фарида Бурикуловна - «Darakchi.uz» интернет оммавий ахборот воситаси бош муҳаррири Исломов Низомжон Илҳом ўғли - «Aniq.uz» веб-сайти муҳаррири Курбанов Шухратбек Равшанбекович - «Kurbanoff.net» блоги администратори Мусаева Наргиза Абдуллаевна - Алишер Навоий номидаги Ўзбекистон Миллий кутубхонасининг Бўка тумани ахборот-кутубхона маркази директори, Тошкент вилояти Нугманов Бекзод Алимович - Тошкент шаҳридаги «Media News» масъулияти чекланган жамияти директори ўринбосари Пулатов Аброржон Масутович - «Авторадио» радиостанцияси таъсисчиси Турдибаев Олимжон Арипджанович - «UzReport» масъулияти чекланган жамиятининг «UzReport TV» телеканали бош муҳаррири Худайкулова Зилола Рахматовна - Бухоро вилояти «Истиқлол-ТВ» телерадикомпанияси бош муҳаррири Шадрин Константин Михайлович - Тошкент шаҳридаги «Kolorpak» масъулияти чекланган жамияти дизайнери |
Ўзбекистон Республикаси Президенти Ш.Мирзиёев
Аллоҳ таоло айтади: «Улар эҳсон қилганларида исроф ҳам, хасислик ҳам қилмаслар (тутган йўллари) бунинг ўртасида – мўътадилдир»[1].
Ўзингиздан бойроқ бўлганлар билан тенглашишга уринманг. Акс ҳолда бўйнингизгача қарзга ботиб, маломатга қоласиз.
Ўзингизга, оила аъзоларингизга, шунингдек, қўли юпин кишиларга нисбатан зиқналик қилманг.
Зиқна одам учун таъмагир бўлмасдан яшаётганининг ўзи катта гап. Аллоҳ таоло айтади: «(Бахиллик қилиб) қўлингизни бўйнингизга боғлаб ҳам олманг. (Исрофгарчилик қилиш билан) уни бутунлай ёйиб ҳам юборманг. Акс ҳолда маломат ва маҳрумликда ўтириб қолурсиз»[2].
Мен жуда катта маош оладиган, бироқ ой тугамасиданоқ ойлигидан бир чақа ҳам қолмайдиган кишиларни биламан. “Улар шунча пулни, мол-дунёни қаерга сарфлашяпти экан”, деб ҳайрон қоламан. Аллоҳ таоло айтади: «...ва мутлақо йўл қўйманг! Чунки исрофгарлар шайтонларнинг дўстларидир. Шайтон эса, Парвардигорига нисбатан ўта ношукр эди»[3].
Абу Бакр Сиддиқ розияллоҳу анҳу: “Анча кунга етадиган рўзғорликни бир кунда ишлатиб юборадиган оилага аччиғим келади”, деганлар.
Муовия розияллоҳу анҳу: “Зое бўлган, бировнинг ҳаққи ўтиб кетган нарсани “исроф” деб ҳисоблайман”, деганлар.
Сарф-харажатда исрофгарчиликка йўл қўядиганлар, зиқналик қилувчилар дунёда ҳар куни қанчадан-қанча мусулмон очликдан ўлаётганини наҳот билишмаса?!
Кимдир эътироз билдириб: “Улар биздан узоқда-да” деса, “Ахир улар бизнинг Исломдаги биродарларимиз, дин қардошларимиз-ку!” – деймиз. Биз эрта қиёмат кунида улар борасида ҳам сўроқ қилинмаймизми? Қолаверса, орамизда рўзғорига ора-сирада гўшт кирадиганлар бор. Гоҳида шу озгина гўштни олишга ҳам имкон топа олмай, ойлаб гўшт емайдилар.
Бир жамоа одамлар Қайс ибн Убода розияллоҳу анҳунинг олдиларига озроқ егулик сўраб келишди. У зот боғларида тўкилган меваларни териб, яхшисини чиригидан ажратиб саралаётган эдилар. Улар Қайс розияллоҳу анҳуга нима учун келишганини айтишди. Саҳобий уларга сўраганларини бердилар. Келган жамоа бир-бирларига ажабланиб қараб: “Ночор ҳаёт кечираётган бўлсангиз, яна қизғанмай инфоқ қилишингиз қизиқ бўлди-ку”, дейишди. У зот: “Сизларга эҳсон қилиш учунгина шундай яшайман”, дедилар (яъни, саҳобий розияллоҳу анҳу мен иқтисод қиламан ва исроф қилмаганим ҳолда, сиз каби муҳтожларга ёрдам беришга ҳам ортинаман демоқчи бўлдилар).
Пайғамбаримиз соллаллоҳу алайҳи васаллам: “Чиқимда иқтисод қилиш тирикчиликнинг ярмидир. Одамларга муҳаббатли бўлиш ақлнинг ярмидир. Чиройли савол бериш эса ярим илмдир”, [4] дедилар.
Улуғлардан бири айтади: “Ким фарзандига иқтисод қилиб яшашни ўргатса, унга кўп мерос қолдиришдан ҳам кўпроқ яхшилик қилибди”.
Ҳассон Шамсий Пошонинг
“Жаннат бўстонидаги оилавий оқшомлар” номли китобидан
Ғиёсиддин Ҳабибуллоҳ, Илҳом Оҳунд, Абдулбосит Абдулвоҳид таржимаси.
[1] Фурқон сураси, 67-оят.
[2] Исро сураси, 29-оят.
[3] Исро сураси, 26–27-оятлар.
[4] Имом Табароний ривояти.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа