28 Декабр, 2024, 27 Жумадул сони, 1446
28 Декабр, 2024, 27 Жумадул сони, 1446
Айни кунда юртимизда Рамазон ойи ўзгача руҳ ва шукуҳли тарзда давом этмоқда. Аксарият кишиларнинг дилида, тилида эзугилик, яхшилик, амаллари эса ибодат бўлмоқда.
Бундай хайрли ва шукуҳли онларда бугун пойтахтимиздаги Ҳазрати Имом мажмаусида бўлиб ўтаётган “Китоб – камолот калити” илмий-маърифий китоблар кўргазмаси ва савдосининг ташкил этилгани ҳам Рамазон ойига муносиб туҳфа бўлди, дейиш мумкин. Чунки кўргазмада турли расмий чиқишлардан сўнг, талабаю ўқувчилар ва жажжи болажонларнинг Рамазон ойига бағишланган саҳна кўринишлари китоб кўргазмасига байрамона тус берди.
7-8 апрель кунлари бўлиб ўтаётган мазкур кўргазма Ўзбекистондаги Ислом цивилизацияси маркази ташаббуси ташкил этилди. Унда Ўзбекистондаги Ислом цивилизацияси маркази, Ўзбекистон халқаро ислом академияси, Имом Бухорий, Имом Мотуридий ва Имом Термизий халқаро илмий тадқиқот марказлари ҳада бир қатор нашриётлар, китоб дўконлари ўзларининг бир-биридан қизиқ, илмий-маърифий ва бадиий китоблари ҳамда матбаа маҳсулотлари билан иштирок этмоқдалар.
Рамазон муносабати билан ташкил этилган маърифий тадбир доирасида турли янги китоблар тақдимоти ҳам бўлиб ўтди. Шунингдек, таниқли уламою олимлар иштирокида ёшларни имл-маърифатга даъват этадиган суҳбатлар ҳамда кўргазма иштирокчилари ўртасида “Кўргазманинг энг фаол иштирокчиси”, “Энг яхши диний-маърифий китоб”, “Энг ёш китобхон”, “Энг фаол талаба” номинациясида совринли танловлар ҳам ўтказилмоқда.
Қолаверса, кўргазмада хаттотлик санъати бўйича маҳорат дарслари, нашриёт ва босмахоналар ўртасида турли номинациялар бўйича танловларнинг ташкил этилгани унинг янада қизғин ўтишига хизмат қилмоқда.
Нашриётлар ва китобхонларни бир-бирига яқинлаштириш ва китобхонлик маданиятини шакллантириш каби эзгу мақсадлар кўзланган кўргазма том маънода ўзини оқлади, дейиш мумкин. Буни кўргазамага ташриф буюрувчиларнинг кўплиги ҳамда аҳолимизнинг китобга бўлган муносабатидан билиш мумкин.
Ўзбекистон мусулмонлари идораси матбуот хизмати
1. Диний соҳани танлашингизга нималар ва кимлар туртки берган?
– Диний соҳани танлашимга падари бузрукворим сабабчи бўлган. У киши бизга ёшлигимиздан қисқа сураларни ёдлаттирган. Туманимиздаги жоме масжидлар имомларига шогирд тушдим. Мактабни тугатгач, Имом Бухорий номидаги Тошкент ислом институтига ўқишга кирдим.
2. Бугунги имом қандай бўлиши керак?
– Бугунги имом илмли, одобли, муомалада, юриш-туришда барчага ибрат ва намуна бўлиши зарур. Ўз устида тинимсиз ишлаши керак. Шу билан бирга, юртимизда диний-маърифий ва бошқа соҳаларда амалга оширилаётган ислоҳотлардан хабардор ва бу хайрли ишларни халққа етказа оладиган бўлиши зарур.
3. Имом-хатиб одамлар орасида худди юздаги холдек бўлиши керак. Шундай эмасми?
– Бугун халқимиз маърифатини юксалтириш, бидъат-хурофотларга муросасиз бўлишда имомнинг ўрни алоҳида. Имомнинг сўзи ва амали уйғун, яъни айтганига ўзи амал қиладиган бўлиши керак. Шундагина у одамлар орасида худди юздаги холдек бўлади.
4. Бугун жамиятимизда сизни қайси жиҳатлар қувонтиради ва ташвишга солади?
– Юртимизда диний-маърифий соҳада амалга оширилаётган хайрли ишлар барча қатори мени ҳам қувонтиради. Айниқса, Қуръон ва тажвидни ўргатиш курслари фаолияти йўлга қўйилгани таҳсинга сазовор.
Айрим ёшларнинг билиб-билмай ақидаси бузуқ турли ғаламислар тузоғига тушиб қолаётгани дилни хуфтон қилади.
5. Энг кўп ўқийдиган китобларингиз? Диний манбалардан ташқари қандай мавзулардаги китобларни мутолаа қиласиз?
– Шайх Муҳаммад Содиқ Муҳаммад Юсуф раҳимаҳуллоҳнинг “Тафсири Ҳилол”, “Ҳадис ва ҳаёт”, “Руҳий тарбия” асарларини қўлдан қўймай мутолаа қиламан. Алихонтўра Соғунийнинг “Туркистон қайғуси” китоби, жадидчи боболаримизнинг асарлари мени мафтун этган.
6. Танлаган касбингиздан кўнглингиз тўлмаган пайтлар ҳам бўлганми?
– Касбим – фахрим. Расулуллоҳ соллаллоҳу алайҳи ва салламнинг меросларини имкон қадар халққа етказаётганимдан беҳад бахтиёрман, алҳамдулиллаҳ.
Маълумот ўрнида, Шокирхон Имомиддинов 1979 йилда Тошкент вилояти Қуйи Чирчиқ туманида туғилган. 1997–2001 йилларда Имом Бухорий номидаги Тошкент ислом институтида таълим олган. 2001 йилдан бери Қуйи Чирчиқ тумани “Олмазор” жоме масжидида имом-хатиб ҳамда 2019 йилдан буён мазкур туман бош имоми бўлиб ишлаб келмоқда.
"Hidoyat" журналининг 8-сонидан олинган
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа