02 Ноябр, 2024, 01 Жумадул аввал, 1446
02 Ноябр, 2024, 01 Жумадул аввал, 1446
Бугун, 3 март куни Ўзбекистон мусулмонлари идораси раиси, муфтий Нуриддин домла ҳазратлари “Яшил макон” умуммиллий лойиҳаси доирасида Тошкент шаҳридаги “Кўкча Оқ-тепа” масжидига ташриф буюрдилар. У ерда ободонлаштириш, кўкаламзорлаштириш ишлари билан танишиб, масжид ҳовлисига манзарали кўчатлар ўтқаздилар.
Айни кунларда ушбу лойиҳа асосида юртимизда яшил маконларни кўпайтириш ишлари уюшқоқлик билан ташкил этилмоқда. Хусусан, бундай хайрли ишлар юртимиздаги барча жоме масжидлар, мадрасалар ва зиёратгоҳларда кенг кўламда амалга оширилиб, имом-домлалар томонидан яшил ҳудудлар барпо этилмоқда.
Муфтий Нуриддин домла ҳазратлари ўз сўзларида мамлакатимиз миқёсида амалга оширилаётган “Яшил макон” лойиҳаси доирасида ҳар бир киши ўзи яшаб турган шаҳару қишлоқларини, маҳалла-ю кўчаларини обод қилса, бир тупдан кўчат ўтқазса, бутун мамлакатимиз обод бўлиб, боғу бўстонга айланишини таъкидладилар ва бу ишларнинг савоби нақадар улуғ эканини Расул алайҳиссаломнинг ҳадиси шарифлари асосида шарҳлаб бердилар.
Кимки яхши ният ила экин экса, кўчат ўтқазса улуғ ажру савобга эга бўлади. Кўчат экиш инсонга нафақат тирикликда, балки унинг вафотидан сўнг ҳам савоби етиб турадиган эзгу амал экани таъкидланган. Шундай экан, мамлакатимизда яшил майдонларни ҳосил қилиш, яшиллик дунёсини муҳофаза этиш барчамизнинг савобли ишимиз бўлиши керак.
Аллоҳ таоло ушбу хайрли лойиҳани фойдали қилсин.
Ўзбекистон мусулмонлари идораси Матбуот хизмати
Тошкент шаҳар, Шайхонтоҳур тумани аҳолиси билан Ўзбекистон мусулмонлари идораси раиси, муфтий Шайх Нуриддин Холиқназар ҳазратлари маънавий-маърифий тадбирлар, юзма-юз мулоқотлар ва жонли савол-жавоблар ўтказмоқдалар.
Суҳбатларда сўнгги йилларда барча соҳалар қатори диний-маърифий жабҳада ҳам жуда катта ўзгаришлар амалга оширилгани, 100 та янги жоме масжид очилгани, кўплари ҳавас қиладиган даражада обод бўлгани, Қуръони карим курсларида бир неча ўн минг фуқаро Қуръони каримни мутолаа қилишни ўргангани, ҳаж-умра сафарига борган кишилар сони сезиларли ошгани кабиларни айтиш баробарида оят ва ҳадислар асосида мана шундай неъматларга шукр қилиш зарурлиги билдирилди.
Қуръони карим ва ҳадиси шарифларда илм ва ҳунарга тарғиб қилувчи кўрсатмаларни мисол сифатида келтириб, ҳар бир ота-она фарзандига элу юрт учун керакли бўладиган ҳунар ва фойдали илмларни ҳам ўргатиши лозимлиги тушунтирилди. Шунингдек, ёш авлод онгига она юртга муҳаббат, тинч-осойишта ҳаётимизни қадрига етиш ҳамда шукроналик туйғуларини сингдириш кабиларга урғу қаратилди.
Учрашувларда риё-хўжакўрсин иллатлари, илмсиз фатво бериш, шаръий масала айтиш, жамоада тафриқа, бўлинишлардан сақланиш ва бидъат-хурофотларни тарк этиш кабиларга ҳам тўхталинди.
Иштирокчиларнинг мурожаат-таклифлари эшитилди, оилавий, ижтимоий ва ибодатга оид саволларига батафсил жавоб берилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа