Ихтилоф ҳаром
وَأَطِيعُوا اللَّهَ وَرَسُولَهُ وَلَا تَنَازَعُوا
فَتَفْشَلُوا وَتَذْهَبَ رِيحُكُمْ ۖ وَاصْبِرُوا ۚ إِنَّ اللَّهَ مَعَ الصَّابِرِينَ
46. Аллоҳга ва Унинг Расулига итоат қилинг. Ўзаро низо қилманг, у ҳолда тушкунликка учрайсиз ва куч-қувватингиз кетади. Ва сабр қилинг. Албатта, Аллоҳ сабр қилгувчилар биландир. (Ғалаба омилларидан бири–Аллоҳга ва унинг Расулига итоат қилиш бўлиб, у нафақат уруш майдонидаги, балки барча соҳалардаги ғалаба ва муваффақиятларнинг асосий гаровидир. Маълумки, урушда қўмондоликка итоат катта аҳамиятга эга. Бу оддий бандаларга итоат ҳақидагаи гап. Энди оламларнинг яратгувчиси ва тадбирини қилгувчисига, у зотнинг танлаб олган охирги Пайғамбари Муҳаммад соллаллоҳу алайҳи васалламга бўладиган итоат қанчалар улуғ эканини, қанчалик муваффақиятлар гарови эканини ўзимиз билиб олаверишимиз керак.).
Анфол сураси
Адашган фирқалар ўтган уч асрнинг тўғри йўлидан бирин-кетин четга чиқа бошлашди. Ҳар бир фирқа ҳақдан оғиб, ўзларининг ғаразли мақсадлари йўлида қадам ташлади. Одамларни ҳам фикру хаёли, соғлом эътиқодидан чалғитишга уринди. Бу билан улар, Аллоҳ таолонинг Анъом сураси, 153-оятида марҳамат қилган “Албатта, бу Менинг тўғри йўлимдир. Бас, унга эргашинглар. Ва бошқа йўлларга эргашманглар. Бас, сизни унинг йўлидан адаштирмасинлар.Мана шу сизга қилган амрдирки, шояд тақвоқилсангиз” оятига хилоф иш тутди. Шу тариқа нафсу ҳавосига берилган, бидъат ва залолатга кўмилганлар тоифаси кўпайиб борди. Бу ҳолат асрлардан асрларга ўтиб ҳозирги кунимизда ҳам давом этмоқда. Абдуллоҳ ибн Амр розияллоҳу анҳу ривоят қилади: Расулуллоҳ саллаллоҳу алайҳи ва саллам бундай дедилар: “Дарҳақиқат, Бани Исроил етмиш икки миллат (гуруҳ)га бўлинди, умматим эса етмиш уч миллатга бўлинади. Фақатгина бир миллатдан ташқари уларнинг барчаси дўзахдадир”, дедилар. (Саҳобалар): “(Нажот топган) у (миллат) кимлардир, ё Расулаллоҳ?” деб сўрадилар. (Бунга жавобан) Расулуллоҳ саллаллоҳу алайҳи васаллам: “Мен ва асҳобларим унинг узра бўлган (миллатдир), дедилар” (Имом Термизий[2] ривояти).
Жаъфархон Суфиев
Тўрақўрғон тумани
"Исҳоқхон тўра" жоме масжиди
имом ноиби
“Daily News Hungary”: Тошкент медиафоруми ислом цивилизациясини тарғиб этишда янги имкониятлар тақдим этди
Венгриянинг “Daily News Hungary” ахборот порталида Тошкентда бўлиб ўтган “Ислом цивилизацияси: янги нигоҳ, янги кашфиётлар” мавзусидаги халқаро медиафорумга бағишланган мақола чоп этилди, деб хабар бермоқда “Дунё” АА мухбири.
Нашрда қайд этилишича, форумга 46 мамлакатдан 200 нафарга яқин оммавий ахборот воситалари ходимлари, кинематографлар ва рақамли технологиялар бўйича экспертлар жам бўлди.
Тадбирнинг асосий майдони Тошкентдаги Ислом цивилизацияси маркази бўлди. Муаллифнинг таъкидлашича, форумдаги асосий муҳокама замонавий рақамли авлод учун тарихий ва маданий меросни долзарблаштириш масаласига қаратилган.
Қайд этилишича, журналистиканинг асосий мезонлари бўлган ҳаққонийлик ва холисликни қатъий сақлаган ҳолда сунъий интеллект, иммерсив технологиялар ҳамда стриминг платформаларидан фойдаланиш муҳим аҳамият касб этади.
Мақолада Ўзбекистон Президенти матбуот котиби Шерзод Асадовнинг нутқига, “CNN”, “Euronews” ва “BBC Studios” каби халқаро медиа саноати гигантларининг иштирокига алоҳида эътибор қаратилган.
Материалда Тошкент медиафоруми узоқ муддатли халқаро ҳамкорликка пойдевор қўйгани, Ўзбекистоннинг глобал имижини шакллантиришда анъана ва инновацияларнинг муваффақиятли уйғунлашувини намоён этгани таъкидланган.
Ўзбекистон мусулмонлари идораси Матбуот хизмати
