30 Апрел, 2025, 2 Зулқаъда, 1446
30 Апрел, 2025, 2 Зулқаъда, 1446
Шу кунларда давлатимиз раҳбари ташаббуси остида мамлакатимиз бўйлаб давом этаётган ва кейин ҳам мунтазамлик касб этадиган “Яшил макон” умуммиллий лойиҳаси моҳияти жиҳатидан келажак авлод тақдирига даҳлдорлиги билан аҳамиятли. 10 декабрга қадар дарахт экиш бўйича эълон қилинган долзарб 40 кунлик доирасида Самарқанд вилояти Пайариқ тумани Хўжа Исмоил шаҳарчасида Ўзбекистон мусулмонлари идораси вилоят вакиллиги раҳбарлигида вилоят диний соҳа вакиллари томонидан “Имом Бухорий авлодлари боғи” барпо этилди.
Мазкур боғ барпо этилиши муносабати билан ўтказилган тадбир аввалида қўй сўйилиб, ўтган аллома аждодларимиз хотирасига бағишлаб Қуръон тиловат қилинди. Вилоят ҳокимлиги мутасаддилари, диний ташкилот ва идоралар ходимлари, вилоят жамоатчилиги вакиллари, Имом Бухорий халқаро илмий тадқиқот маркази жамоаси, Ҳадис илми олий мактаби педагог ходим ва талабалари иштирок этган маросимда вилоят ҳокимининг диний ва жамоат ташкилотлар билан алоқалар бўйича ўринбосари Д.Мамадқулов ва вилоят бош имом-хатиби ўринбосари Хайрулло домла Саттаров сўзга чиқиб, келажакка бебаҳо сармоя тариқасида йўналтирилаётган эзгу ташаббус – “Яшил макон” умуммиллий лойиҳасининг глобал мураккаб экологик вазиятни юмшатиш ва атроф-муҳит мусаффолигини таъминлаш ҳамда инсон саломатлигини мустаҳкамлашдаги юксак аҳамиятини қайд этди. Тадбирда шунингдек, вилоятнинг диний соҳада фаолият юритаётган уч авлод вакиллари томонидан мазкур лойиҳа доирасида яратилаётган боғ ҳаёт фаровонлигига, мўминлар манфаат олишларига, қолаверса, табиатнинг янада кўркам бўлишига муносиб хизмат қилиши алоҳида таъкидланди.
Тадбирдан сўнг, боғ учун ажратилган ҳудудда кўчат ўтқазишга киришилди. Жараён давомида 600 нафарга яқин иштирокчи 1 гектар бўлган ҳудудга 1500 дан зиёд мевали ва манзарали дарахт кўчати ўтқазишди.
Кўчат экиш жараёнида тупроқ унумдорлигига алоҳида эътибор қаратилиб, ер аввало суғоришга тайёр ҳолатга келтирилди. Боғда ўтқазилган кўчатларни парвариш қилиш бўйича алоҳида чора-тадбирлар белгиланди ва масъуллар бириктирилди. Масъулларга дарахтларни парваришлаш билан бирга ҳудудо бодлигини таъминлаш вазифаси ҳам юклатилди.
Мамлакатимиз бўйлаб “Яшил макон” умуммиллий лойиҳаси доирасидаги амалий тадбирлар давом этмоқда.
ЎМИ Самарқанд вилоят вакиллиги матбуот хизмати
Наманган вилоятида фаолият юритаётган имом-ноиблар учун йиғилиш бўлиб ўтди.
Йиғилишда тараққиётимизнинг янги даврида диний соҳада жуда катта ислоҳотлар амалга оширилаётгани, ўз навбатида имомлик шарафли ва масъулиятли вазифа экани, маҳаллаларда фуқаролар билан мунтазам ишлашлик ва ёт ғоялар таъсирига берилмаслик, айниқса, ижтимоий тармоқлар имкониятидан оқилона фойдаланиш, унда айрим динни ниқоб қилиб олган кимсалар томонидан тарғиб этилаётган мазҳабсизлик, радикализм ва бошқа экстремистик ғоялардан ўзимизни ва фарзандларимизни ҳимоялаш, оилалар мустаҳкамлигини таъминлаш, бугунги кун имоми замонга зийраклик, теран фикр билан қараши, ўзининг устида мунтазам ишлаши ва мўмин-мусулмонларнинг маънавий-маърифий соҳада эҳтиёжларини қондириш учун доимо изланиб, хизмат қилишларига алоҳида ўрғу берилди.
Учрашув мобайнида Дин ишлари бўйича қўмита масъул ходими Олимжон Жўраев тўғри йўлдан адашганлар қисматини ўз ҳаётий мисоллари ва ёшларда ёт ғояларга қарши иммунитетини шакиллантиришнинг муҳим жиҳатлари ҳақида таъсирли суҳбат қилиб берди.
Ўзбекистон мусулмонлари идораси Наманган вилояти вакиллиги Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 