Soxta salafiylarning soxta qiyosiga RADDIYa
"Duoda qo'llarni yuqoriga ko'tarish bandalikka oid xususiyatdir. Ko'zlar osmonga qaratish hikmatini Allohning o'sha tarafda ekanligi bilan bog'liq ekanligiga ishongan kishi, namozda va shunga o'xshash (sajda) vaqtida nazarini erga qaratganda Allohning Yerning ostida ekanligiga ishongan kishi kabidir.
Yana u namozda Qiblaga yuzlanish uchun to'g'riga yoki g'arbga, yoki haj ibodati uchun Makkaga yuzlangan kishi Allohning o'sha tarafda ekanligiga ishongan kishiga o'xshab qoladi.
Alloh taolo esa bu narsalarning barchasidan pokdir. Alloh taolo nazdida hech bir taraf boshqa tarafdan yanada yaqin yoki ilmi bilan qamrab olishga qulayroq emas. Maxluqotlar Unga etishishi uchun biror tarafni tanlash qudratiga ega emaslar... Hech bir kishining zehnida taraflarning biri yoki boshqasi orqali Unga etishish fikri kelmaydi, faqatgina Allohni to'g'ri tanimagan kishigina (bunday adashishi mumkin)"
Imom Moturidiy rahimahullohning "At-Tavhid" kitobidan
Izoh:Soxta salafiylar Alloh taoloning yuqori tarafda ekanligini isbotlash uchun "duolarimizda qo'limizni osmonga ko'taramiz" deb aqliy dalil keltirmoqchi bo'ladi. Vaholanki, ularning o'zlari dinda aqliy dalillarga suyanmaslik kerakligini da'vo qiladigan kishilar edi.
Ana shunday kishilarning "aqliy" dalillariga Imom Moturidiy rahimahulloh yuqoridagidek fikrlar bilan raddiya beradilar.
O‘zbekiston Prezidenti Bahouddin Naqshband maqbarasini ziyorat qildi
O‘zbekiston Prezidenti Shavkat Mirziyoyev bugun O‘zbekiston–Ozarbayjon sammitining ikkinchi kuni tadbirlarida ishtirok etish uchun Buxoro shahriga keldi, deb xabar bermoqda “Dunyo” AA.
Davlatimiz rahbari matbuot xizmati ma’lumotiga ko‘ra, tashrif xayrli amaldan – Bahouddin Naqshband maqbarasi ziyoratidan boshlandi. Qur’on oyatlari tilovat qilinib, xalqimizga tinchlik-farovonlik tilab, duo o‘qildi.
Majmua islom olamining ulug‘ qadamjolaridan biri hisoblanadi. Mazkur ziyoratgoh Naqshbandiya tariqatining asoschisi Bahouddin Naqshband dafn etilgan joyda barpo etilgan bo‘lib, bugungi kunda maqbara, xonaqoh, masjidlar, daxma va so‘fiylik tarixi muzeyini o‘z ichiga oladi.
O‘zbekiston musulmonlari idorasi Matbuot xizmati
