Karachida "Islom bog'i" ochildi
Pokiston prezidenti Arif Alvi Karachidagi Jinna shahar "Islom bog'i"ni ochdi. Uning o'ziga xos xususiyatlardan biri - u erda Qur'onda zikr etilgan 22 ta o'simliklak ekilgan.
Ular orasida anjir, anor, zaytun, makkajo'xori, serbar bargli bir xil piyoz, sarimsoq piyoz, piyoz, yasmiq, bug'doy, zanjabil, qovoq, tarvuz, tamarind, kedr, uzum, banan, bodring va rayhon mavjud. Bundan tashqari, Pokistonning turli hududlariga qarashli bog'da 42 xil mevali o'simliklarni ko'rish mumkin. Bu guava, chiku, sharifa, xurmo, mango, jamun, tut, lazura, papayya, anor, fal'sa va boshqalarni o'z ichiga oladi.
Ijtimoiy xizmatlar jamoat birlashmasi prezidenti Sh.Omeri shahar istirohat bog'iga 5000 ga yaqin daraxt ekilganini ma'lum qildi.
Islam.ru xabariga ko'ra, Pokiston Prezidenti manfaatdor tomonlarni, jumladan, davlat va nodavlat tashkilotlarni atrof-muhit ifloslanishi muammosiga qarshi samarali kurashish uchun Karachida o'rmon qoplamini oshirish uchun birgalikda ishlashga chaqirdi.
O'zbekiston musulmonlari idorasi Matbuot xizmati
Qabul jarayonida murojaatlarga amaliy yechim berildi
O‘zbekiston musulmonlari idorasi rahbariyati tomonidan aholi bilan o‘tkazilayotgan ochiq muloqotlar fuqarolar muammolarini joyida va ijobiy hal etishda muhim omil bo‘lmoqda.
Xususan, bugun, 5 avgust kuni Diniy idora raisining birinchi o‘rinbosari Homidjon domla Ishmatbekov navbatdagi fuqarolar qabulini o‘tkazib, diniy ta’lim, xayriya, ishga joylashish, oilaviy, uy-joy va moddiy yordam kabi masalalardagi murojaatlarni ko‘rib chiqdi.
Mazkur jarayonda oilaviy masalalarda shar’iy yechim va zarur maslahatlar berildi, moddiy ko‘mak so‘raganlarga esa belgilangan tartibda amaliy yordam ko‘rsatildi.
E’tibor va g‘amxo‘rlikdan mamnun bo‘lgan yurtdoshlarimiz Diniy rahbariyatiga minnatdorlik bildirishdi. Imom Buxoriydan rivoyat qilingan "... Kim birodarining hojatini ravo qilsa, Alloh uning hojatini ravo qiladi. Kim bir musulmonning tashvishni aritsa, Alloh uning Qiyomat kunidagi tashvishlaridan birini aritadi", degan hadisi sharifga muvofiq xayrli duolar qilishdi.
Ta’kidlash joizki, bu kabi yuzma-yuz muloqot va qabul jarayonlari har haftaning chorshanba kuni O‘zbekiston musulmonlari idorasining barcha hududiy vakilliklari hamda jome masjidlarida imom-domlalar tomonidan muntazam o‘tkazib kelinmoqda.
O‘zbekiston musulmonlari idorasi
Matbuot xizmati
