Limonli choy, limonli pirog, limonli sharbat... Ishtahangiz ochilgani aniq. Biroq limonli bo'yoq haqida eshitganmisiz? O'tgan asrda limon matolarni bo'yash uchun bo'yoq sifatida ishlatilgan ekan. Buning uchun limonni bug'lashgan va undan qora quyuq suyuqlik tayyorlangan.

Yevropaga Hindistondan kirib kelgan bu meva “hind olmalari” deb ham ataladi. Limonning yana bir qiziq jihati juda ham sho'r bo'lgan suyuq taomga limon suvidan siqsangiz, me'yorlashganini sezasiz. 

Kuz-qish uchun tayyorlangan bodringli tuzlamalarimiz kabi Hindistonda limon tuzlama sifatida tayyorlanib, iste'mol qilinadi. Efir moylari ichida limonniki qimmat bo'lib, 3000 dona limondan 1 kg ishlab chiqarilar ekan.

Limonning bakteriyalarga qarshi kurashish xususiyati bo'lgani uchun qadim zamonlardan odamlar ovqatdan zaharlanishni kamaytirish maqsadida suvga limon sharbati solishgan. Shuningdek, suv va limon aralashmasi tanadagi toksinlarga qarshi samarali vositadir.

Internet manbalari asosida KAMOLA tayyorladi