“Hizb ut-tahrir” ekstremistik tashkiloti haqida
Bugungi kunda dunyoning turli burchaklaridan har xil nomlar bilan chiqayotgan oqimlar, guruhlar islom diniga har xil o'zgarishlar, qo'shimchalar qo'shib ayniqsa yoshlarni to'g'ri yo'ldan adashtirmoqdalar. Ana o'sha oqimlardan biri bo'lgan “Hizb ut-Taxrir” diniy ekstremistik tashkiloti a'zolari ham bugungi kunda o'z g'oya va maqsadlari yo'lida Islom ta'limotiga o'zgartirish va yangiliklar kiritishga urinmoqda. Ular o'zlarining g'arazli niyatlarini amalga oshirish uchun din hukmi va arkonlariga yangilik kiritib, jumladan, “Halifalikni tiklash musulmonlar zimmasiga Alloh taolo farz qilgan eng muhim amallardandir” kabi Islomda bo'lmagan puch g'oyalarni ilgari surishmoqda. Ularning bu da'volari aslida Islom diniga yot hukm, yangilik kiritishdir. Islomga yangilik kiritish bid'at bo'lib, bu haqda Muxammad sollallohu alayhi vasallam shunday deganlar: ”Sizlarning orangizdan (dindagi) ishlarga yangilik kirituvchilar chiqadi.(Bilingki, dindagi) har bir yangilik bid'at va har bir bid'at-zalolatdir. Zalolat esa jahannamga etaklaydi”. Dinga yangilik kiritishini oqibati nima bo'lishini “IShID” (Iroq Shom Islom davlati) olib borayotgan xarakatlaridan ochiq-oydin bilib olsa bo'ladi. Bunday noto'g'ri, nosog'lom aqidalarga ergashish musulmon kishining oxiratini kuydirish bilan birga jamiyat tinchligi-osoyishtaligiga rahna soladi.
“Hizb ut-Taxrir” diniy ekstremistik tashkiloti 1953 yilda Falastin davlatida Taqiyuddin Nabixoniy tomonidan asos solingan bo'lib, maqsadi — dastlab musulmon mamlakatlarida, keyinchalik esa butun dunyoda yagona xalifalik davlatini o'rnatish g'oyasini ilgari suradi. Bugungi kunda ushbu tashkilotning faoliyati dunyoning bir qator mamlakatlari hududida ta'qiqlangan. Agarda tarixga nazar solsak, salaf ulamolari ham, undan keyin o'tgan va hozirgi zamon ulamolari ham bunday yo'llarga qarshidirlar. Shuning uchun ham bunday oqimlarning g'oyasini birorta mamlakatda ma'qullanib, rasmiy tashkilot sifatida tan olinmadi. Islomda esa ozchilik fikriga emas, ko'pchilik fikriga qo'shilishga buyurilgan. Bunga ushbu saxix hadis dalildir: “ Mening ummatim yoppasiga adashib, zalolatga tushib qolmaydi. Qachonki ular orasida qarama-qarshilikni ko'rsalaringiz, sizlar ko'pchilik tomonda bo'lingiz!”. Demak, Payg'ambarimiz sollallohu alayhi vasallamning ushbu vasiyatlariga zamonamiz musulmonlari ozchilik ovozga ega bo'lib turgan oqimlarga emas, ularning fikri va g'oyasiga qo'shilmay kelayotgan ko'pchilik ulamolarning safiga qo'shilishlari kerak bo'ladi.
“Hizb ut-Taxrir” diniy ekstremistik tashkiloti faoliyati O'zbekiston Respublikasi hududida ham ta'qiqlangan tashkilotlar ro'yxatiga kiritilgan bo'lib, fuqarolarimizni, ayniqsa yoshlarimizni ogohlantirib, bu kabi buzg'unchi g'oyalar ta'siriga tushib, ijtimoiy tarmoqlarning shubhali saytlaridagi da'vatlarga aldanib qolmasliklarini, jamoat tartibiga tahdid soluvchi materiallardan foydalanmasliklari, saqlamasliklari va tarqatmasliklarini so'raymiz.
Hovos tumani
“Abu Hanifa” jome masjidi
imom-xatibi Abdurauf Yorbekov
“Orta Lectura”: O‘zbekiston xavfsiz sayyohlik yo‘nalishi sifatida o‘z mavqeini mustahkamlamoqda
Ispaniyaning “Orta Lectura” nashrida O‘zbekistonda turizm sohasida amalga oshirilayotgan islohotlarga bag‘ishlangan maqola e’lon qilindi, deb xabar bermoqda “Dunyo” AA.
Maqolada qayd etilishicha, so‘nggi yillarda O‘zbekiston turli nufuzli xalqaro reytinglarda hamda xorijiy davlatlarning sayyohlar uchun tavsiyalarida yuqori xavfsizlik darajasiga ega mamlakatlardan biri sifatida e’tirof etilmoqda.
World Justice Project (WJP) tomonidan e’lon qilingan “Rule of Law Index 2025” natijalariga ko‘ra, O‘zbekiston “Tartib va xavfsizlik” ko‘rsatkichi bo‘yicha 143 ta mamlakat orasida 17-o‘rinni, Sharqiy Yevropa va Markaziy Osiyodagi 15 ta mamlakat orasida esa 1-o‘rinni egalladi.
WJP indeksi 215 mingdan ortiq fuqarolar hamda 4 ming 100 nafardan ziyod huquqshunos va ekspertlar o‘rtasida o‘tkazilgan so‘rovnomalarga asoslangani bilan ahamiyatlidir.
“Gallup” kompaniyasining “2025 Global Safety Report” ma’ruzasida ta’kidlanishicha, O‘zbekiston aholisining 86 foizi kechasi yolg‘iz yurganda o‘zini to‘liq xavfsiz his qiladi. Bu ko‘rsatkich dunyo bo‘yicha o‘rtacha 73 foizlik darajadan sezilarli darajada yuqoridir. Shu bilan birga, “Law and Order Index”ning kengroq ko‘rsatkichi bo‘yicha mamlakatimiz 100 dan 91 ball to‘pladi.
Institute for Economics & Peace tomonidan tuziladigan “Global Peace Index 2026” natijalariga ko‘ra, O‘zbekiston o‘z pozitsiyasini 30 pog‘onaga yaxshilab, 163 ta mamlakat orasida 1,726 ko‘rsatkich bilan 37-o‘ringa ko‘tarildi. 2026 yilgi rasmiy hisobotda mamlakatimiz tinchlik ko‘rsatkichlari eng yuqori sur’atda yaxshilangan davlatlar qatoriga kiritildi.
AQSH Davlat departamenti “Travel Advisories” tizimida O‘zbekistonga “Level 1 – Exercise Normal Precautions” darajasini, ya’ni “Odatiy ehtiyot choralariga rioya qilish” tavsiyasini bergan. 2026 yil yanvarda yangilangan tavsiyanomada xavf darajasi oshirilmadi. Bu AQSH Davlat departamenti tomonidan xalqaro sayohatlar uchun belgilanadigan eng past xavf darajasi hisoblanadi.
O‘zbekiston musulmonlari idorasi Matbuot xizmati
