Makkada birinchi o'zbek restorani ochildi
Saudiya Arabistonida tadbirkorlik bilan shug'ullanayotgan hamyurtimiz Hayrullo Ikromov Makka shahrida ilk milliy taomlarimiz restoranini ochdi.
O'zA xabariga ko'ra, O'zbekistonning Jidda shahridagi Bosh konsulligida bo'lib o'tgan uchrashuvda shu haqda so'z yuritildi.
Shuningdek, O'zbekistonda amalga oshirilayotgan ijtimoiy-iqtisodiy islohotlar, xorijda istiqomat qilayotgan vatandoshlar bilan aloqalarni mustahkamlash, investitsiya va turizm sohalarining jozibadorligini oshirish borasida amalga oshirilayotgan ishlar haqida ham atroflicha ma'lumot berildi.
H.Ikromov mamlakatimizda amalga oshirilayotgan o'zgarishlarni doimiy kuzatib borishini, sport, madaniyat va ilm-fan sohalarida erishayotgan yuksak marralarimizdan faxrlanishini ta'kidladi.
– Ko'p yillardan buyon xorijda restoran biznesi bilan shug'ullanaman, – deydi H.Ikromov. – Makka shahridagi milliy taomlarimizga bo'lgan ehtiyojdan kelib chiqib, markaziy qismida “O'zbekiston” restoranini ochmoqdamiz.
Ular yangi tashkil etilgan majmuaga O'zbekistondan bosh oshpaz, novvoy va boshqa xodimlarni jalb qilishga qaror qilishdi.
Restoran shu yilning 28 noyabridan ish boshladi.
O'zbekiston musulmonlari idorasi
Matbuot xizmati
Ota-onani hurmatlash odoblari
Ota-onaning roziligini olishga intilish fazilati barcha fazilatlarning negizi, borliqdagi har qanday haq-huquqlarning kelib chiqadigan asosidir.
Ota-onalar, bola tarbiyasi bilan shug‘ullanayotgan tarbiyachilar farzandlarga quyidagi odatlarni singdirishlari maqsadga muvofiq:
Gunohga sabab bo‘lmasa, otaonaning buyurganlarini albatta bajarish; ota-onaga muloyim so‘zlash; uyga kirganlarida, hurmatlari uchun o‘rnidan turish; har tong salom berish, uyqudan oldin xayrli tun tilash; mol-mulklarini saqlash; so‘ragan narsalarini berish; ulardan maslahat so‘rash; ota-ona haqiga duo va istig‘for aytish; ular mehmon kutishsa, yonlarida muntazir bo‘lib turish; ularning aytishlarini kutmay, ularni xursand qiladigan ishlarni bajarish; ularning huzurlarida ovozni baland ko‘tarmaslik; gaplarini bo‘lmaslik; izn berishmagan joyga bormaslik; uxlayotganlarida bezovta qilmaslik; ahli ayoli, farzandlarini ulardan ustun qo‘ymaslik; ota-ona xatoga yo‘l qo‘ysalar, bilmaslikka olish, darhol kechirib, unutish; kulgili gap bo‘lsa ham, ularning huzurlarida o‘zini tutish; ular yaxshi ko‘radigan taomni ilinish; ulardan oldin taomga qo‘l cho‘zmaslik; ularning oldilarida cho‘zilib yotmaslik, oyoq uzatmaslik; uyga ulardan oldin kirmaslik, oldilariga tushib yurmaslik; chaqirganlarida tezlik bilan javob berish; ularning hayotliklarida ham, vafot etganlaridan keyin ham do‘stlarini hurmat qilish; ota-onasining hurmatini qilmaydiganlar bilan do‘stlashmaslik; ularning haqlariga duo qilish; vafotlaridan keyin Allohning quyidagi kalomini ko‘p aytish: «Ey, Rabbim! Meni ular go‘daklik chog‘imda tarbiyalaganlaridek, Sen ham ularga rahm qilgin!» (Isro surasi, 24-oyat).
Ibrohimjon INOMOV tayyorladi.
“Islom nuri” gazetasining 2026 yil 10-sonidan
http://hidoyatuz.taplink.ws
