BMT HK G'azo masalasida yig'ilish o'tkazadi
29 noyabr' kuni G'azo sektoridagi vaziyat bo'yicha BMT Havfsizlik Kengashining yuqori darajadagi majlisi o'tkaziladi. Bu haqda Hitoy tashqi ishlar vazirligi rasmiy vakili Van Ven'bin ma'lum qildi. KP Markaziy Qo'mitasi Siyosiy byurosi a'zosi, Hitoy Halq Respublikasi tashqi ishlar vaziri Van I yig'ilishga raislik qilish uchun N'yu-Yorkka boradi.
– Hitoy Kengashdan xalqaro tinchlikni, xavfsizlikni saqlash bo'yicha asosiy mas'uliyatini bajarishi, umumiy sa'y-harakatda faollik ko'rsatishini kutadi, – dedi diplomat. – Yuqori darajadagi yig'ilish orqali chuqur almashinuvni rivojlantirishga kelishib olish, aniq choralar ko'rish va G'azodagi gumanitar inqirozni yumshatish, o't ochishni, harbiy harakatni to'xtatish, begunoh aholi va fuqarolarni himoya qilishga munosib hissa qo'shishga erishishni umid qilamiz. Pirovard maqsad “Ikki xalq uchun ikki davlat” tamoyili asosida Falastin muammosini keng qamrovli, adolatli va uzoq muddatli tartibda hal etishga ko'maklashish.
Ta'kidlanishicha, BMT HK tomonidan Isroil – Falastin mojarosi boshlangandan keyin qabul qilingan ilk rezolyutsiya o't ochishni to'xtatish yo'lida dastlabki qadamni qo'yish imkonini berdi va gumanitar hujum tarqalishining oldini olishga ko'maklashdi.
O'zbekiston musulmonlari idorasi
Matbuot xizmati
YUZDAN ZIYOD OILAGA KO‘MAK BЕRILDI
Sayyor yig‘ilish
Bir kishiga ko‘maklashsangiz, u qanchalik shod bo‘ladi.
Endi bir emas, o‘n emas, yuzdan ziyod oilaga ham ma’naviy, ham ma’rifiy, ham moddiy ko‘mak berilsa, qancha kishining ko‘ngli ko‘tarilishini, sizni alqashini tasavvur qilib ko‘ring-a.
Bugun Toshkent shahar bosh imom-xatibi Abduqahhor domla Yunusov boshchiliklarida poytaxtimizning Yangi hayot tumanidagi «Niyozmat ota» jome masjidida ma’naviy-ma’rifiy sayyor yig‘ilish o‘tkazildi.
Tadbirda Toshkent shahar bosh imom-xatibi o‘rinbosari Ergashali domla Rustamov, Toshkent shahar tumanlari bosh imomlari, imom-domlalar, «Haj 2026» ishtirokchilari qatnashdilar.
Tumandagi ijtimoiy-ma’naviy muhitni yanada sog‘lomlashtirish maqsadida mahallalarga tashrif buyurildi. Adashib aqidasi buzuq turli oqimlar ta’siriga tushib qolgan shaxslar, ajrim yoqasiga kelib qolgan oilalar bilan ham suhbatlar olib borildi.
Katta hayot tajribasiga ega hoji otalar, hoji onalar imom-xatiblar, otinoyilar bilan birgalikda olib borgan ma’rifiy targ‘ibotlari o‘z samarasini berdi: yuzdan ziyod xonadonga ham ma’naviy, ham moddiy yordam ko‘rsatildi.
* * *
Toshkent shahar bosh imom-xatibi Abduqahhor domla Yunusov Yangi hayot tumanidagi mahallalarga tashrif buyurib, u yerdagi bir qancha xonadonlarga kirib, xonadon egalarining qalblariga xursandchilik ulashdilar.
Quvonarlisi, yangi o‘quv yili arafasida homiylarni jalb qilgan holda 30 ta haqdor xonadon sohiblari farzandlariga sumka, o‘quv qurollari hadya etildi.
Yuzdan ziyod xonadon egalarining ko‘ngli ko‘tarilib, ular ezgu ishlarning boshida turgan barcha aziz insonlarning haqlariga xayrli duolar qilishdi.
Toshkent shahar vakilligi
Matbuot xizmati
