Jizzax va Zomindagi Qur'on kurslari ko'zdan kechirildi
O'zbekiston musulmonlari idorasi raisi o'rinbosari Muhammadolim domla Muhammadsiddiqov, Toshkent islom instituti “Tahfizul-Qur'on” kafedrasi mudiri Jahongir qori Ne'matov, “Qur'oni karim va tajvid o'quv kurslari” bo'limi boshlig'i Jahongir qori Ro'ziyev Jizzax viloyati Jizzax va Zomin shahridagi “Qur'oni karim va tajvid” o'quv kursi faoliyatini ko'zdan kechirdilar.
Diniy soha rahbar va mas'ullariga viloyat bosh imom-xatibi Mehmonali domla Jabborov va vakillik xodimlari hamrohlik qildi.
O'quv kursi binosida o'qituvchi va tinglovchilar bilan uchrashuv o'tkazildi. Unda Muhammadolim domla va Jahongir qori muhim mavzuda mav'iza qilib berdi.
Tadbir yakunida tinglovchilarga Jahongir Ne'matovning “Alif-Yo” kitobi hadya qilindi.
1. Zomin shahridagi “Qur'oni karim va tajvid” kursi:
Jizzax viloyati, Zomin tumani, G'.G'ulom MFY, Sh.Nasriddinov ko'chasi
Lokatsiya (https://goo.gl/maps/VSmStLDXxq3Htvya9)
☎️ (97) 328-63-40, (93) 294-83-53
2. Jizzax shahridagi “Qur'oni karim va tajvid” kursi:
Jizzax shahar, Sayljoyi mahallasi, Umidobod ko'chasi
Lokatsiya (https://goo.gl/maps/CW3waYMutiFCM8FA6)
☎️ (97) 325-72-43
O'zbekiston musulmonlari idorasi
Matbuot xizmati
Turkiy davlatlar muftiylari Boku shahrida jamlanadi
Joriy yilning 13–16 sentyabr kunlari Ozarboyjon poytaxti Boku shahrida Turkiy davlatlar muftiylari kengashining navbatdagi VII yig‘ilishi hamda uning doirasidagi bir qator tadbirlar bo‘lib o‘tadi.
Yig‘inlarda turkiy dunyoning yetakchi din peshvolari – O‘zbekiston musulmonlari idorasi raisi, muftiy Shayx Nuriddin Xoliqnazar, Kavkaz musulmonlari idorasi raisi, Shayxulislom Allohshukur Poshshozoda, Turkiya Diyonat ishlari boshqarmasi raisi Safi Arpagush, Qozog‘iston musulmonlari diniy boshqarmasi raisi, bosh muftiy Navro‘zbay hoji Tag‘anuli, Qirg‘iziston musulmonlari diniy nazorati raisi, muftiy Abdulaziz qori Zakirov, Turkmaniston muftiyci Rahmon Qurbonmurodov kabilar boshchiligidagi turkiy davlatlar ulamolaridan iborat delegatsiyalar ishtirok etadi.
Mamlakatimiz delegatsiyasi safidan O‘zbekiston musulmonlari idorasi Ulamolar Kengashi, Fatvo markazi, hududiy vakilliklar hamda oliy diniy ta’lim muassasalaridan vakillar joy olgan.
Tadbirlar doirasida ulamolar musulmon ummati uchun muhim bo‘lgan shar’iy masalalar, zamonaviy fatvolar va mushtarak tashabbuslarni muhokama qilib, yakuniy hujjatlarni imzolaydilar. Shuningdek, ilmiy-amaliy anjuman, ikki tomonlama muzokaralar hamda tabarruk qadamjolar ziyorati ham rejalashtirilgan.
O‘zbekiston musulmonlari idorasi Matbuot xizmati
- «
- »