Allohga shukrki, Qur'oni karimga muxlis xalqimizning istaklarini inobatga olgan holda yurtimizdagi “Qur'oni karim va tajvid” kurslari faoliyati kengaytirilmoqda.

Mazkur kurslarni rivojlantirish, qiroat ilmini o'rganuvchilar uchun sharoitlarni hozirlash, malakali ustozlarini tayyorlash, ularning mahoratlarini oshirish va Qur'on ta'limini o'rgatishdagi eng ilg'or uslublarni tadbiq etish ishlari boshlandi.

Ushbu xayrli ishga hissa qo'shishni istagan, farzandu arjumandlari dunyoda ko'zni quvontiradigan, Oxiratda esa ota-onasiga toj kiydiradigan qoriyu qurrolar bo'lishini niyat qilgan saxovatpesha kishilarimiz himmati uchun “Vaqf” xayriya jamoat fondida maxsus hisob raqam ochildi.

Darhaqiqat, Nabiy sollallohu alayhi vasallam: “Sizlarning yaxshilaringiz Qur'onni o'rganganlaringiz va o'rgatganlaringizdir”, deb marhamat qilganlar (Imom Buxoriy rivoyati).

 Endilikda xayr-saxovatlarini qori va qoriyalarga sarf etishni istagan yurtdoshlarimiz quyidagi hisob raqamga muruvvat qilishlari mumkin.

“Qur'oni karim va tajvid” kurslarini rivojlantirish hisob raqami: 20212000900881753046
INN 207 276 595
MFO 00974
Toshkent shahrining “Kapitalbank” ATB amaliyot boshqarmasi

 

O'zbekiston musulmonlari idorasi Matbuot xizmati