Hozirgi kundagi barcha balolarga g'iybat sababdir
Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.
Gunohlar sababidan hozirgi kunda turli azoblar sodir bo'lmoqda. Bir shaharni er yutgan, bir shaharda qattiq shamol, yana birida qahatchilik bo'lgan, ba'zi joylarda suv yo'q, boshqa joylarda esa suv haddan oshib ketgan, bir joy qahraton sovuq bo'lsa, boshqasida jazirama issiq. Ba'zi joylarda odamlar ko'p halok bo'lyapti, ba'zi joyda bo'ron bo'lmoqda, yana ba'zi joylarga o't ketyapti, ba'zi joylarda qattiq shamol hali pishib etilmagan mevalarni daraxtlardan to'kib yubormokda. Ba'zi joyda sulton zolimlik qilmokda, yana ba'zi joylarda vabo tarqamoqda. Bularning barchasiga bizning g'iybat singari gunohlarimiz sababdir. Odamlar bu ishlarning barchasidan tavba qilishlari lozim. Ularga hayronman, yomg'ir yog'may qolsa yoki shiddatli shamol kelsa, qo'rqib duoga qo'l ko'taradilar, biroq azobga sabab bo'ladigan ishlardan tiyilmaydilar. Ibodat va yaxshi ishlardan charchasalar ham, g'iybat qilishdan charchamaydilar. Shuning uchun qilgan duolari ham qabul bo'lmaydi. Gunox qilaverib, dillari kotib ketgani sababli hargiz nasihatni qabul qilmaydilar. Gohida jannat zikr qilinsa, jannat so'rab duo qilib qo'yaveradilar, lekin unga kirishga monelik qiladigan ishlardan parhezlari yo'q. Ma'ruza qiluvchining nasihatini eshitadilar-u, uning yonidan chiqqach, yana o'z yo'llarida (gunoh qilishda) davom etaveradilar.
«G'iybat o'zi nima?» kitobi asosida tayyorlandi
Saudiya Arabistonida o‘tkazilayotgan xalqaro Qur’on tanlovida 133 davlat vakillari ishtirok etmoqda
Qirol Abdulaziz nomidagi Qur’oni karimni yod olish, o‘qish va sharhlash bo‘yicha qirq oltinchi xalqaro tanlovning saralash bosqichi 7 avgust kuni Makka shahridagi musobaqalar o‘tkaziladigan joyda 133 davlatdan 334 nafar ishtirokchi (erkak va ayollar) ishtirokida boshlandi.
IQNA "Minbar" gazetasiga tayanib xabar berishicha, Qirol Abdulaziz nomidagi Qur’oni karimni yod olish, o‘qish va sharhlash bo‘yicha qirq oltinchi xalqaro tanlovning saralash bosqichi bir kun avval Makkadagi musobaqalar o‘tkaziladigan joyda boshlangan va final bosqichini Masjidul Haromda o‘tkazish uchun zamin tayyorlagan.
Saudiya Arabistoni Islom ishlari, da’vat va hidoyat vazirligi tomonidan tashkil etilgan ushbu tadbirning saralash bosqichida hakamlar hay’atlari eng yuqori aniqlik va shaffoflik standartlariga rioya qilgan holda, Qur’on tilovati uslublari va qoidalariga ixtisoslashgan taniqli xalqaro hakamlar guruhi nazorati ostida erkak va ayol ishtirokchilarning chiqishlarini tinglab, final bosqichiga kimlar o‘tishini aniqladi.
Tanlovning joriy bosqichi 133 mamlakatdan 334 nafar ishtirokchi (erkak va ayollar) ishtirokida o‘tkazilmoqda, ular besh toifa: "Shatibiya" usuli bo‘yicha yetti xil qiroat asosida Qur’oni Karimni to‘liq yodlash (qiroat va nazariy bilimlarni, shuningdek, tajvid qoidalarini a’lo darajada bajarish va rioya qilishni o‘z ichiga oladi); a’lo darajada ijro etish, tajvidga rioya qilish va so‘zlarni sharhlash bilan Qur’oni Karimni to‘liq yodlash; a’lo darajada ijro etish va tajvidga rioya qilish bilan Qur’oni Karimni to‘liq yodlash; a’lo darajada ijro etish va tajvidga rioya qilish bilan ketma-ket o‘n beshta juzni yodlash; a’lo darajada ijro etish va tajvidga rioya qilish bilan ketma-ket beshta juzni yodlash bo‘yicha bellashmoqda.
Vazirlik ushbu global qur’oniy tadbirning muvaffaqiyatini ta’minlash uchun elektron hakamlik tizimini joriy etish, ishtirokchilarni baholashda adolat va aniqlikni ta’minlash uchun tashkiliy va keng qamrovli platformani yaratish, shuningdek, ularga turli xil xizmatlarni taqdim etish kabi barcha imkoniyatlarini ishga solishda davom etadi.
Qirol Abdulaziz nomidagi xalqaro musobaqa dunyodagi eng yirik Qur’on musobaqalaridan biri hisoblanib, uning umumiy pul mukofotlari miqdori 10 million saudiya rialidan oshadi.
Mazkur musobaqada O‘zbekiston sharafini "Mir Arab" o‘rta maxsus islom ta’lim muassasasi, "Sayyid Muhiddin maxdum" o‘rta maxsus islom ta’lim muassasasi, Imom Buxoriy nomidagi Toshkent islom instituti hamda "Xadichai Kubro" qizlar o‘rta maxsus islom bilim yurti talabalari himoya qilishi haqida avval xabar berilgan edi.
O‘zbekiston musulmonlari idorasi Matbuot xizmati
