Islom hamkorlik tashkiloti II yoshlar kongresini o'tkazadi
Shu yil 26-29 noyabr' kunlari Qozon shahrida Islom hamkorlik tashkiloti (IHT) davlatlarining II Yoshlar ilmiy kongressi bo'lib o'tadi. Tatariston Respublikasi Yoshlar masalalari vaziri Rinat Sodiqov, Yoshlar diplomatiyasi akademiyasi raisi Dilbar Sodiqova, Qozon federal universiteti (KFU) tashqi aloqalar bo'yicha prorektori Timirxon Alishevlar matbuot anjumanida shu haqda so'z yuritdi. Bu haqda “Islam-today” sayti xabar berdi.
IHTga a'zo 20 dan ortiq davlatdan 100 nafar yosh olim va tadqiqotchi IHT davlatlarining II Yoshlar ilmiy kongressida qatnashadi.
Dilbar Sodiqovaning so'zlariga ko'ra, ishtirokchilarning aksariyati uchun bo'lajak Kongress ilk bor xorijga sayohat qilish va o'z ilmiy ishlanmalarini jahon hamjamiyatiga taqdim etish imkoniyatini beradi.
Kongress yo'nalishlari orasida biomeditsina va biotexnologiya, neft, gaz va ta'lim texnologiyalari, xalqaro munosabat va huquq, arxitektura, dizayn va san'at yo'nalishlari bor.
IHT mamlakatlari II Yoshlar ilmiy kongresi yakunida ishtirokchilarning ilmiy ishlari to'plami nashr etiladi.
O'zbekiston musulmonlari idorasi
Matbuot xizmati
Qashqadaryoda 100 nafar o‘quvchiga maktab qurollari sovg‘a qilindi
Yangi o‘quv yili va mustaqilligimizning 35 yilligi arafasida Qashqadaryo viloyatida yana bir xayrli tashabbus amalga oshirildi.
O‘zbekiston musulmonlari idorasi viloyat vakilligi va saxovatpesha yurtdoshlarimiz hamkorligida Qarshi shahridagi 100 nafar ehtiyojmand oila farzandiga yangi o‘quv qurollari to‘plamlari beg‘araz topshirildi.
Qo‘lida yangi portfel va kitob-daftar tutgan jajji o‘quvchilarning yuzidagi samimiy tabassum va quvonch bu ezgu ishning naqadar qadrli ekanini ko‘rsatdi. Zero, ilm istagan qalbga qanot bo‘lish — eng ulug‘ savoblardandir.
Tadbir yakunida xayriyada hissa qo‘shgan barcha saxovatpesha insonlar haqiga duolar qilindi.
O‘zbekiston musulmonlari idorasi
Matbuot xizmati
