Samarqandda xalqaro forum o'tkazilmoqda
Samarqandda “Hotin-qizlarni qo'llab-quvvatlash bo'yicha O'zbekiston va Islom Hamkorlik Tashkiloti (IHT)ga a'zo mamlakatlar tajribasi” mavzusida xalqaro forum bo'lib o'tmoqda.
Anjumanda 20 dan ortiq davlatdan 40 ga yaqin xorijiy mehmonlar – Islom hamkorlik tashkiloti vakillari, Birlashgan Millatlar Tashkilotining O'zbekistondagi vakolatxonasi va tuzilmalari xodimlari, hukumat, fuqarolik jamiyati institutlari va xalqaro tashkilotlar vakillari qatnashmoqda.
Tadbirda Islom hamkorlik tashkiloti Bosh kotibining gumanitar, madaniy va ijtimoiy masalalar bo'yicha o'rinbosari doktor Tarig Ali Baxit, O'zbekiston Respublikasi Bosh vaziri o'rinbosari Zulayho Mahkamova so'zga chiqdi.
Forum oila institutini mustahkamlash, xotin-qizlarning jamiyat hayoti va davlat boshqaruvidagi ishtirokini kuchaytirish, ularning huquq va imkoniyatlarini kengaytirish bo'yicha Islom hamkorlik tashkiloti davlatlarining o'zaro hamkorligini yanada rivojlantirish va tajriba almashish maqsadida tashkil etildi.
O'zbekiston musulmonlari idorasi
Matbuot xizmati
Mirzaobodda 110 dan ortiq oilaning holidan xabar olindi
Sirdaryo viloyati Mirzaobod tumanidagi «Zomin» jome masjidida diniy soha xodimlari faoliyati samaradorligini oshirishga qaratilgan tashkiliy yig‘ilish bo‘lib o‘tdi.
Unda O‘zbekiston musulmonlari idorasining Sirdaryo viloyati vakilligi rahbariyati, tuman va shahar bosh imom-xatiblari, hudud masjidlari imomlari, otinoyilar, «Haj» ziyoratchilari hamda MFY raislari qatnashdi.
Uchrashuvda yurt tinchligini asrash, yosh avlodni milliy va diniy qadriyatlar ruhida tarbiyalash, oilalarda ijtimoiy-ma’naviy muhit barqarorligini ta’minlash hamda noxush holatlarning oldini olish kabi muhim masalalar muhokama qilindi.
Shuningdek, tadbir doirasida amaliy sa’y-harakatlar ham olib borildi:
-
Imom-xatiblar va otinoyilar mahallalardagi ehtiyojmand va ko‘makka muhtoj oilalar xonadonlariga tashrif buyurdilar.
-
Jarayonda jami 112 ta xonadon (imom-xatiblar tomonidan 83 ta, otinoyilar tomonidan 29 ta oila) holidan xabar olinib, ularning muammo va takliflari o‘rganildi.
-
Fuqarolarga ma’naviy-ma’rifiy dalda berilib, zarur amaliy yordamlar ko‘rsatildi.
O‘MI Sirdaryo viloyati vakilligi
Matbuot xizmati
