Sayt test holatida ishlamoqda!
15 Yanvar, 2025   |   15 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:23
Quyosh
07:47
Peshin
12:37
Asr
15:37
Shom
17:22
Xufton
18:40
Bismillah
15 Yanvar, 2025, 15 Rajab, 1446
Avvalgi sayt
#search
 YouTube

“Yagona olimpiada – 2021” g'oliblari ma'lum bo'ldi

1.06.2021   2429   4 min.
“Yagona olimpiada – 2021” g'oliblari ma'lum bo'ldi

Bugun, 1 iyun' kuni Toshkent islom institutida O'zbekiston musulmonlari idorasi tasarrufidagi o'rta maxsus islom ta'lim muassasalari bitiruvchilari o'rtasida “Yagona olimpiada – 2021” tanlovining respublika bosqichi o'tkazildi.

Musobaqada O'zbekiston musulmonlari idorasi raisi o'rinbosari Homidjon qori Ishmatbekov, Ta'lim va ilmiy-tadqiqot bo'limi mudiri Salohiddin domla Sherxonov, Diniy qo'mita diniy-ma'rifiy ta'lim muassasalari bilan ishlash bo'limi boshlig'i Bobomurod domla Rustamov, institut rektori Uyg'un domla G'ofurov, o'rta maxsus islom ta'lim muassasalari rahbarlari, mudarris-o'qituvchilar tashrif buyurdi.

Yagona olimpiada ishtirokchilari Arab tili, fiqh va aqoid fanlari bo'yicha o'zaro bahslashdi.

Hakamlar hay'atining yakuniy xulosalariga ko'ra, musobaqa natijasi quyidagicha bo'ldi:

I o'rinni “Hoja Buxoriy” o'rta maxsus islom ta'lim muassasasi talabasi Abdulmalik Alimov Husniddin o'g'li qo'lga kiritdi. U “Vaqf” xayriya jamoat fondi granti asosida oliy diniy ta'lim muassasasiga konkurssiz o'qishga kirish, 1-darajali diplom va noutbuk sohibiga aylandi;

II o'rinni “Sayyid Muhyiddin maxdum” o'rta maxsus islom ta'lim muassasasi talabasi Javohirbek Isomiddinov Soibjon o'g'li oliy diniy ta'lim muassasasiga o'qishga kirishi uchun imtihon natijalari bo'yicha o'zi to'plagan balning 25 foizi miqdorida qo'shimcha ball qo'shib berish imtiyozi, 2-darajali diplom va mikroto'lqinli isitgichni qo'lga kiritdi;

III o'rinni “Mir Arab” o'rta maxsus islom islom ta'lim muassasasi Muhammadrizo Holiqov Abdulhamid o'g'li oliy diniy ta'lim muassasasiga o'qishga kirishi uchun imtihon natijalari bo'yicha o'zi to'plagan balning 15 foizi miqdorida qo'shimcha ball qo'shib berish imtiyozi, 3-darajali diplom va mikroto'lqinli isitgich bilan taqdirlandi.

Shuningdek, o'rin egallamagan ishtirokchilarga (jami 6 nafar) kitoblar to'plami va faxriy yorliq topshirildi.

Alloh taolo olimpiada g'oliblariga imtiyoz va sovrinlarni muborak qilsin, ezgulik yo'lidagi musobaqalarini bardavom bo'lishini nasib etsin!

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Maqolalar

Qiyomatning kichik alomatlari: Quddusning fath etilishi (3 qism)

15.01.2025   2003   2 min.
Qiyomatning kichik alomatlari: Quddusning fath etilishi (3 qism)

Qiyomat qoim bo‘lishining yana bir belgisi – musulmonlarning Quddusni fath etishi sanaladi.


Siyrat va tarix ilmi bo‘yicha mutaxassislar Quddus fathi Umar roziyallohu anhu davrida hijriy 16 yilida yakunlanganini qayd etishgan.


Hazrati Umar roziyallohu anhuning shaxsan o‘zlari Quddusga mahalliy aholi bilan tinchlik shartnomasi tuzish uchun boradilar va u yerda masjid quriladi.


Imom Ahmad Ubayd ibn Adamdan uning Ka’bul Axbor bilan suhbatini keltiradi:


“Umar roziyallohu anhu so‘radilar:

  •  Namozni qayerda o‘qiganim yaxshi, deb o‘ylaysiz?

Ka’b aytadi:

  •  Agar fikrimni qabul qilsangiz, tosh ortida o‘qiganingiz ma’qul. Shunda butun Quddus oldingizda bo‘ladi.

Umar roziyallohu anhu dedilar:

  •  Yo‘q, bu yahudiylarnikiga o‘xshash bo‘lib qoladi. Men namozimni Payg‘ambarimiz sollallohu alayhi vasallam ado etgan joyda o‘qiyman.

Keyin Umar roziyallohu anhu qibla tomonga qarab namoz o‘qidilar, so‘ng ridolaridan changlarni qoqib tashladilar.


Shu o‘rinda Ka’bul Axbor rahmatullohi alayh haqida to‘xtalib o‘tsak. U ahli kitoblarning buyuk olimlaridan bo‘lgan. Abu Bakr roziyallohu anhu davrida Islomni qabul qilgan. Umar roziyallohu anhu davrida Madinaga ko‘chib o‘tgan. So‘ngra Shomda yashadi va Usmon roziyallohu anhu davrida vafot etgan.  


Ma’lumki, salibchilar Quddusni 100 yil davomida egallab turdi. Nihoyat bu muborak joyni buyuk jangchi va himoyachi Sulton Salohiddin rahimahulloh fath etgan.


Alloh taolo unga Umar roziyallohu anhuning g‘alabasidek g‘alaba berdi. G‘alaba ko‘lami bo‘yicha unga teng keladigani Konstantinopolni zabt etgan Sulton Muhammad Fotih rahimahulloh edi.


Muhammad Fotih (hijriy 832-886 / milodiy 1432-1481) – 1444 va 1451-1481 yillarda Usmonli sultoni. U fath siyosatini faol olib bordi. Usmonli qo‘shinining 26 ta yurishiga rahbarlik qilgan. Konstantinopolni 1453 yil qo‘lga kiritdi va uni Usmonli xalifaligining poytaxtiga aylantirdi.


Vizantiya mavjudligiga nuqta qo‘ydi, keyin Serbiya (1459), Morea (1460), Trebizond imperiyasi (1461), Bosniya (1463), Evbeyani (1471) fath etdi.


Karaman podshohligi (1471), Qrim xonligi va Albaniyani bo‘ysundirdi (1475), Albaniya (1479). Oqqo‘yunli davlati hukmdori Uzun Hasan bilan muvaffaqiyatli urushlar olib borgan.

Manbalar asosida

Bahriddin XUSHBOQOV

tarjimasi.

Ibratli hikoyalar
#logo