Shu yil 29 mayda Tatariston Respublikasi Yutazin tumani Urussu shaharchasida ayollar o'rtasida Butunrossiya qoriyalar musobaqasi bo'lib o'tadi. Bu haqda Tatariston musulmonlari idorasi matbuot xizmati xabar berdi.

Ushbu tanlov Rossiya fuqarosi bo'lgan yoshidan qat'iy nazar musulmon ayollari ishtirok etadi. Tanlov talabiga ko'ra, ular Qur'oni karimni o'rganish va yodlash markazlari talabasi bo'lmasligi kerak. Har bir ishtirokchi faqat bitta yo'nalish bo'yicha qatnashishi mumkin. O'tgan yilgi tanlov g'oliblariga Qur'oni karimning 5 porasi bo'yicha musobaqada qatnashishga ruxsat beriladi.

Mazkur musobaqa Tatariston musulmonlari diniy idorasi, Tatariston Respublikasi janubiy-sharqiy qoziyoti, Yutazin tumani muhtasibligi va Yutazin shahar okrugi ma'muriyati tomonidan tashkil etilgan.

Qur'oni karimning besh porasini (26, 27, 28, 29, 30) yoddan bilgan nomzodlar o'rtasidagi tanlov g'olibiga 50 ming rubl (7 million 195 ming so'm) miqdorida pul mukofoti beriladi. Ikkinchi o'ringa Yutazin muhtasiblik idorasining maxsus sovrini, boshqa sovrinli o'rinlar ham qimmatbaho sovg'alar bilan taqdirlanadi. Shuningdek, barcha ishtirokchilar rag'batlantiruvchi sovg'alar bilan taqdirlanadi.

O'MI Halqaro aloqalar bo'limi